Къашыргъэшхуэ (лат-бз. Accipiter gentilis) — къашыргъэ лъэпкъщ.
Анэхэм я дамэ лъэныкъуэр см. 33,6-39,5; хъур нэхъ цӀыкӀущ. ТхыцӀащхьэр щхъуэ-гъуэбжафэщ е щхъуэ-хужьыфэщ. Ныбэ щӀагъыр хужьыфэщ, кусэ щхъуэхэр зэпаракӀыу. Щхьэр нэхъ фӀыцӀафэщ.
Къаукъазым мылъэтэжу щопсэу, абы нэмыщӀу — Еуропэм, Сыбырым, Ищхъэрэ-КъухьэпӀэ Африкэм, Хъутейм, Ишъхъэрэ Америкэм,нэгъуэщӀ щӀыпӀэхэми я мэзылъэхэм.
Абгъуэр жыгыщхьэм щащӀ, ар мызэмытӀэу къагъэщхьэпэ. Къизышыр анэм изакъуэщ, махуэ 38-кӀэ теса нэужь. А зэманым ар хъум егъашхэ, шырхэри депӀ.
Мы лӀэужьыгъуэр хуабжьу ещхьщ къашыргъащхъуэм, и теплъэкӀи, и хьэлщэнкӀи, щакӀуэнкӀи, зи мыувыӀэ, зэи зи ныбэ из мыхъу, жыджэрагъ ин зыщӀэт, хьилагъэ зыдалъагъу псэущхьэшх лъэщрэ бзаджэрэ. Ди ӀэрыӀуатэм «Итырджы» жэуэ къыхощыж.
КъеущэкӀу къуалэбзу, шэрыпӀ псэущхьэхэр. Унэ джэдкъазми тоуэ.
