Sweet Basil

Bazilikum^[1] (Ocimum basilicum) jo wěrcowe zelko (a gójeńska rostlina) ze swójźby gubkatych kwitarjow (Lamiaceae).

kwiśonki

Synonymy

• Ocimum americanum L.
• Basilicum indicum et cetratum Rumph.

Wopis

Bazilikum jo jadnolětna rostlina, kótaraž dośěgnjo wusokosć wót 20 - 30 cm.

Łopjena su su z krotkim kijaškom. Łopjeno dośěgnjo dłujkosć wót 1,5 - 5 cm a šyrokosć wót 1 - 3 cm.

Bazilikum kwiśo wót junija až do septembra. Kwiśonki su nažołte, běłe abo rožojte.

Etymologija

Mě wótwóźujo se wót grichiskego słowa βασιλικός. Wóznamjenijo tak wjele kaž kralojski.

W kuchni

Bazilikum wužywa se pśedewšym w italskej kuchni. Wěrcuju z bazilikumom pólewanki, salat a juški, łušćinowe płody a tomaty, rybu a měso, twarožk a twarog, galerty, carne korjenje a gromaki.

W rostlinskej gójarskej wěźe

W farmacije wužywaju se łopjena (Herba Basilici). Wužywaju eteriski wólej łopjenow w aromy terapije.

Nožki

1. ↑ ^{1,0 1,1} W internetowem słowniku: Basilikum

Žrědła

• Linde, G. u. E.: Von Anis bis Zimt. Kleine Gewürzfibel. Leipzig 1983 (nim.)
• Stead, Christine: Aroma-Therapie. Düsseldorf 1991 ISBN 3-612-20340-1 (nim.)