nomes no trilho de navegação
El codogno (nome sientifego Cydonia vulgaris o Cydonia oblonga, deła fameja dełe Rosaceae) xe na pianta ke riva fin a 6 metri, con foje cołor verde ołiva e fiori ke par roxete bianchi e roxa verso el centro. El fruto, el pomo codogno, ke'l maùra a fine setenbre, el par un pomo come i altri ma el xe pien de gnoki, co na superfice pełoxa, de cołor verde - xało. El pol rivare ad un kiło e mexo de pexo. El ga un profumo dolse, "de cipria", tanto ke'l vien doparà anca par profumare ła biancheria, visto ke'l dura un ano intiero. Ła polpa ła liga, el saor xe agro. El pomo codogno xe ł'ingrediente prinçipałe deła mostarda vixentina.
