Marmeleiro

Prawy kwětlowc (Cydonia oblonga) je kerk abo štom ze swójby róžowych rostlinow (Rosaceae), znutřka monotypiskim rodźe kwětlowc (Cydonia).

Wopis

Kćeni

Prawy kwětlowc je kerk abo štom, kotryž docpěwa wysokosć wot 4 hač do 6 m.

Skora je hładka.

Łopjena

Łopjena su jejkojte abo owalne, na hornim boku blědźe zelene, na delnim boku husto pjelsćojće kosmate a docpěwaja dołhosć wot 5 hač do 10 (15) cm.

Kćenja

Kćěje wot meje hač do junija. Kćenja su běłe hač róžojte, pjećličbne, steja po jednym na krótkich wurostkach a docpěwaja přeměr wot něhdźe 5 cm. Keluch je kosmaty. Kćenjowe łopješka su róžojte.

Płody

Płody su jabłukojte abo krušwojte, pjelsćojće kosmate a docpěwaja dołhosć wot hač do 15 cm. Wone w oktobrje zrawja. Jich koža je wóskowa hač wolijowa. Njewarjene su twjerde, jěre-kisałkojte płody lědma jědźne, ale so hodźa k słódnej brěčce, kompotej abo želejej předźěłać. Zrałe płody su blědožołte abo ćmowožołte.

Stejnišćo

Rosće najlěpje w chłódnym měrnym klimaće. Ma radšo włóžne, hłubokosahace pódy na słónčnych stejnišćach.

W lěće žanu włóžnosć njeznjese.

Rozšěrjenje

Pochadźa originalnje ze zapadneje Azije. Hižo je před wjace hač 2500 lětami k južnej Europje a pozdźišo tež k srjedźnej Europje přišoł.

Wužiwanje

Nóžki

1. ↑ W internetowym słowniku: Quitte

Žórła

• Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 302 (němsce)
• Mayer, Schwegler: Welcher Baum ist das?, Bäume, Sträucher, Ziergehölze, ISBN 978-3-440-11273-1, strona 68 (němsce)
• Spohn: Welcher Baum ist das? Die neuen Kosmos-Naturführer, ISBN 978-3-440-10794-2, strona 108 (němsce)

Tutón nastawk je hišće zarodk wo botanice. Móžeš pomhać jón dale redigować. K tomu stłóč na «wobdźěłać».

Jeli eksistuje w druhej rěči hižo bóle wuwity nastawk ze samsnej temu, potom přełožuj a dodawaj z njeho.

---

Jeli nastawk ma wjace hač jedyn njedostatk, wužiwaj prošu předłohu {{Předźěłuj}}. Nimo toho so awtomatisce kategorija Kategorija:Zarodk wo botanice doda.