Chia̍h-bah-bo̍k (-ba̍k), La-teng hō-miâ Carnivora, sī thai-pôaⁿ tōng-bu̍t ē-kha ê chi̍t-ê bo̍k, lóng-chóng ū 17-ê kho, chhiau-kòe 260-ê bu̍t-chéng. Chhin-chhiūⁿ hîm, niau chham káu lóng-sī Carnivora.
"Carnivora" sī lâi-chū La-teng-bûn ê carō kap vorāre, sī "ài chia̍h bah" ê ì-sù. Chit-lūi tōng-bu̍t ê thé-hêng tùi 11 cm ê Mustela nivalis (chi̍t-chióng chhiah-chhí) kàu 690 cm ê Mirounga leonina (chi̍t-chióng hái-pà) lóng-ū.
Tōa-to-sò͘ chia̍h-bah-bo̍k tōng-bu̍t sī lio̍k-tē seng-oa̍h, in ū chiam-kak ióng-chòng ê jiáu, chńg-thâu bí chi̍t kha ū 4 kàu 5 ki. Tōa-pō͘-hūn ê chéng ū lông-jiáu (dewclaw) tī chêng-kha.
Chia̍h-bah-bo̍k ê kak-khí hoat-ta̍t, liân khū-khí (āu-chan) mā ū chiam-kak. Koh ū chi̍t khoán kiò carnassial ê chhùi-khí, tī téng-ham ê sió-āu-chan kap ē-ham ê tōa-āu-chan, nn̄g-pêng ha̍p--khì-lâi ná ka-to chiōng ba̍h li̍h--khui. Chi̍t khoán chhùi-khí iû-kî tī Niau-kho kap Hîm-kho hoat-ta̍t.
In ā-chan sò͘-liōng bí chi̍t chéng ū chha, nā mn̂g-khí tōa-pō͘-hūn sī téng-bīn kap ē-té hun-pia̍t lóng ū 6-lia̍p, kak-khí mā lóng ū 2-lia̍p, hái-hó͘ (Enhydra lutris) kap lán-hîm (Melursus ursinus) sī lē-gōa.
Chia̍h-bah-bo̍k koàiⁿ-sì chi̍t tang chi̍t the, ū-ê chéng chi̍t tang lāi ē-sài kúi-à the, nā tōa-hêng ê chéng phì-jû hîm, 2, 3 nî chia̍h chi̍t the.
Chhiū-ki-bóe ê miâ sī seng-bu̍t hun-lūi-ha̍k ê kho, āu-piah ū "†" piáu-sī í-keng bia̍t-cho̍at.
Carnivora FeliformiaChia̍h-bah-bo̍k (-ba̍k), La-teng hō-miâ Carnivora, sī thai-pôaⁿ tōng-bu̍t ē-kha ê chi̍t-ê bo̍k, lóng-chóng ū 17-ê kho, chhiau-kòe 260-ê bu̍t-chéng. Chhin-chhiūⁿ hîm, niau chham káu lóng-sī Carnivora.
"Carnivora" sī lâi-chū La-teng-bûn ê carō kap vorāre, sī "ài chia̍h bah" ê ì-sù. Chit-lūi tōng-bu̍t ê thé-hêng tùi 11 cm ê Mustela nivalis (chi̍t-chióng chhiah-chhí) kàu 690 cm ê Mirounga leonina (chi̍t-chióng hái-pà) lóng-ū.
