Reptiles

Classification

Traditionalmente, le reptiles es un del tres classes de amniotes, le alteres es le mammiferos e le aves. Per le medio del 20e seculo, illo deveniva commun de divider le reptiles a in quatro gruppos basate sur lor aperturas cranial. Totevia, como reptiles in le senso traditional es le ancestres de ambe aves e mammiferos, multe taxonomistas ha plus recentemente adoptate un accostamento cladistic, preferer de gruppar animales basate exclusivemente sur ancestria commun in loco de characteres commun; iste orientation ha ducite alicun de abandonar reptiles como un unitate systematic o de redefiner le reptiles in un maniera que include aves.

Supertaxones

Traditionalmente, reptiles es membros del classe Reptilia comprendente le amniotes que es ni aves ni mammiferos. Le amniotes es le vertebratos con ovos habente un amnion, un duple membrana que permitte le embryon de respirar effectivemente sur terra. Reptiles vivente, in isto senso, pote esser distinguite ab altere tetrapodos perque illos ha sanguine frigide e ha scutes o squamas.

Le prime sapite reptiles originava ante circa 320–310 million annos durante le Carbonifero, e evolveva ab amphibios reptiloide avantiate que deviniva accrescemente adaptate de vita super terra sic. Multe gruppos es nunc extincte, includer dinosauros, pterosauros, e gruppos aquatic tal como le ichthyosauros. Reptiles moderne habita omne continentes con le exception de Antarctica.

Subtaxones

• Testudines (tortucas e tortucas aquatic): circa 330 species
• Rhynchocephalia (tuataras de Nove Zelanda): 2 species
• Squamata (lacertas, serpentes, e lacertas vermic): plus que 9.400 species
• Crocodilia (crocodilos, gaviales, caimanes, e alligatores): 25 species

Ben que illos ha scutes sur lor pedes e pone ovos, aves ha historicamente esseva excludite ab le reptiles. Illos ergo non appara in le lista supra. Tamen, como alicun reptiles es plus proxime cognate al aves que illos es al altere reptiles — pro exemplo, crocodilos es plus proxime al aves que al lacertas — scriptores cladistic qui prefere un plus unificate gruppo monophyletic usualmente anque include le aves (plus que 10.000 species).^[1][2][3] (Vide Sauropsido.)

Reptiles es vertabratos tetrapodic, o con quatro membros o, como serpentes, essente descendite ab ancestres con quatro membros. Dispare amphibios, reptiles non ha un stadio larval aquatic. Le major parte de reptiles es ovipare (ovo-ponente), ben que plure species de squamates e de clados extincte aquatic es vivipare^[4]—le feto disveloppata intra le matre, continite in un placenta in loco de un scalia de ovo. Como amniotes, le ovos de reptiles es ambite per membranas pro protection e transportation que adapta los a reproduction sur terra sic. Multe del species viviparose nutri lor fetos per formas varie de placenta analoge a illos de mammiferos, e alicun reptiles provide attention initial pro lor pullos. Reptiles existente extende in grandor ab le multo parve gecko, Sphaerodactylus ariasae, que pote crescer a 17 mm longe, al crocodilo marin, Crocodylus porosus, que pote attinge 6 metros in longitude e pesa plus que 1000 kg.

Scientia

Le historicalmente combinate studio de reptiles e amphibios es appellate herpetologia.

Vide etiam

• Vertebrata

Referentias

1. ↑ Gauthier, J.A.; Kluge, A.G.; and Rowe, T. (1988). "The early evolution of the Amniota", The Phylogeny and Classification of the Tetrapods 1. Oxford: Clarendon Press, 103–155. ISBN 0198577052.
2. ↑ Laurin, M.; and Reisz, R.R. (1995). "A reevaluation of early amniote phylogeny". Zoological Journal of the Linnean Society 113 (2): 165–223. doi:10.1111/j.1096-3642.1995.tb00932.x.
3. ↑ Modesto, S.P. (1999). "Observations of the structure of the Early Permian reptile Stereosternum tumidum Cope". Palaeontologia Africana 35: 7–19.
4. ↑ Sander, P. Martin. (2012). "Reproduction in early amniotes". Science 337 (6096): 806–808. doi:10.1126/science.1224301.