Sus scrofa scrofa Linnaeus 1758

Siga (latin.: Sus scrofa domesticus vai Sus domesticus) om kabjživat, mecsigan alaerik. Mülüb Sigad-sugukundha.

Sigan poigaižen nimituz om porzaz vai čugu.

Ümbrikirjutand

Živat om kodikoittud 7 tuhad vozid tagaz vai sen aigemba. Mail'man populäcii om kaikenaigaine, läz 1 mlrd živatoid.

Täuz'igäine hibj om 0,9..1,8 m pitte, 50..150 kg jügutte. Sus om 44 hambast, sidä kesken nell' šingotadud orahambast. Čongoiše mas tül'cäl kärzal lapakonke nenanke. Nened tundused oma jäl'gnuded mecsigaspäi: väll' nägemine, terav kulemine, hen nühaindelim, mahtuz ujuda hüvin; lujetud plodukahuz, mahtuz kazda heredas i razveta.

Živatad södas kaikuttušt, mecsigan kartte. Kazvatadas tavarvedushesai 6-7 kus. Äikerdoitas 8-9-kuižes igäspäi, kaks' kerdad vodes da sen enamba.

Toižendad

Tetas läz sadad sigoiden suguid mail'madme.

Kodisigad (minipig:ad) oma pened dekorativižed. Mectunuded sigad (reizorbek:ad) puttas vastha Pohjoižamerikas, Avstralijas da Udes Zelandijas.

Kävutand

Kazvatadas maižanduzfermoiš da läviš samha lihad (mail'man tehmine 97,2 mln tonnoid vl 2005^[1]), laptaližed produktad oma nahk da suugased.

Sigha sidotud vepsän muštatišed

• Kaikuččel sigaižel om ičeze kärzaine.
• Länged sigale ei kožu.

Kacu mugažo

• Sigankorv

Homaičendad

1. ↑ AÜV:oiden maižanduzministrusen andmused.