Дуулгат бужирга (Fringilla coelebs, урьд Дуулгат ээрүүл бялзуухай гэж байсан) нь Бужиргынхан овгийн шувуу юм.
Энэ шувуу нь 14-16 см урт, далавчиндаа хоёр бүдүүн цагаан хөндлөн судалтай, ууц нуруу нь ногоон, үүлний үзүүр цагаан эмжээртэй байна. Үржлийн улиралд эрэгчин бужирга өвөр хэсэг нь улаавтар, толгойн орой хэсэг нь дуулгатай мэт хөх өнгөтэй болдог.
Дуулгат бужирга Европт өргөн тархсан байдаг. Мөн баруун Ази, баруун хойд Африкт амьдарна. Шинэ Зеландад мөн таарах ба хүн аваачиж суурьшуулсан болно. Амьдрах бүсийн зөөлөн уур амьсгалтай хэсэг нь суурин ба бусад нь өвлийн улиралд нүүдэллэнэ.
Модны мөчрийн ац, салаанд үүрээ засаж цэнхэр ногоондуу өнгийн 6 орчим өндөг гаргадаг. Гол хоол тэжээл нь ургамлын үр бөгөөд ангаахайгаа хорхой шавьжаар тэжээдэг байна.
Дуулгат бужирга (Fringilla coelebs, урьд Дуулгат ээрүүл бялзуухай гэж байсан) нь Бужиргынхан овгийн шувуу юм.