Tormentil

Lěsny porstnik (Potentilla erecta, Syn.: Potentilla tormentilla) je rostlina ze swójby róžowych rostlinow. Druhe serbske mjeno je zawjaznik^[3].

kwět

lěsny porstnik

Ilustracija lěsneho porstnika, w knize: Prof. Dr. Otto Wilhelm Thomé Flora von Deutschland, Österreich und der Schweiz, 1885

Synonymaj

• Potentilla sylvestris Neck.
• Potentilla tormentilla Neck.

Wopis

Lěsny porstnik je trajne zelo, kotrež docpěje wysokosć wot 10 hač do 30 cm. Wón je kosmata rostlina z njestajnje dulatym abo walcojtym, wonka ćmowobrunym, nutřka krejčerwjenym pjenkom.

Stołpiki steja zrunanje a su najčasćišo wot spódka wobšěrne.

Łopjena

Spódnje łopjena su dołhe, ćeńkostołpikate, 3-dźělene a chětře wjadnjace. Stołpikowe łopjena su krótkostołpikate hač do sedźace, najčasćišo 5-ličbowe. Łopješka docpěja dołhosć wot 1 hač do 2 cm a su hrubje zubate.

Kćenja

Wón kćěje wot apryla hač do julija (wot meje hač do awgusta). Kćenja docpěja wulkosć wot 1 cm a njesu 4 tróšku zažłobjene krónowe łopješka.

Stejnišćo

Wón rosće na suchich łukach, płonych bahnach, holach, słónčnych zwisach, skłoninach, we swětłych lěsach a na lěsnych pućach. Ma radšo małowutkate, často kisałe pódy.

Přestrjeń

Lěsny porstnik je w Europje, Aziji a sewjerej Americe rozšěrjeny.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 358.
2. ↑ W internetowym słowniku: Fingerkraut
3. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 646.

Žórła

• GU Maxi-Kompaß Blumen, ISBN 3-7742-3852-9, strona 48 (němsce)
• GU Naturführer Blumen, ISBN 3-7742-1507-3, stronje 52-53 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 260 (němsce)

Eksterne wotkazy

Hlej wotpowědne dataje we Wikimedia Commons:
Lěsny porstnik

Lěsny porstnik. W: FloraWeb.de. (němsce)

• BioLib (čěsce), (jendź.)
• Botanický herbář (čěsce)
• G. Madaus: Lehrbuch der biologischen Heilmittel (němsce)
• USDA plants database (jendź.)
• crescent bloom (jendź.)
• Plants for a Future (jendź.)

Tutón nastawk je hišće zarodk wo botanice. Móžeš pomhać jón dale redigować. K tomu stłóč na «wobdźěłać».

Jeli eksistuje w druhej rěči hižo bóle wuwity nastawk ze samsnej temu, potom přełožuj a dodawaj z njeho.

---

Jeli nastawk ma wjace hač jedyn njedostatk, wužiwaj prošu předłohu {{Předźěłuj}}. Nimo toho so awtomatisce kategorija Kategorija:Zarodk wo botanice doda.