Os cetacios (Cetacea, d'o griego ketos, "ballena" y d'o latín aceum, "relación u a naturaleza de bella cosa") son un orden de mamiferos placentarios adaptatos a la vida aquatica que incluye a las ballenas, cachalotz, cifios, delfins, orcas y marsopas. L'orden ye constituito por unas ueitanta especies vivients clasificadas en 42 cheners asignatos a 11 familias.
Os cetacios actuals se clasifican en dos subórdens: Mysticeti (ballenas con barbas, que s'alimentan filtrando l'augua) y Odontoceti (animals cazadors, con una dentición de dients iguals que s'alparta muito d'o que ye caracteristico d'os mamiferos).
Muitas especies de cetacios s'han cazau dica amanar-los a la extinción, ta obtener a suya carne, a suya graixa (emplegata ta producir aceite ta lampas) u l'ambre gris (propio d'os cachalotz), emplegato ta perfumes. O Convenio Internacional ta la Regulación d'a Caza de ballenas (ICRW), en vigor dende 1948, administrato por a Comisión Ballenera Internacional (IWC)regula, a explotación de cetacios.
O zoonimo "ballena" sinyala en principio a todos os misticetos, encara que en sentiu estricto se reserva ta os integrants d'a familia balenidos; ta la resta s'emplega o termin rorcual. Bella vegada s'emplega o termino ballena ta miembros d'o suborden Odontoceti, como quan se diz "ballenas asasinas" a las orcas, u quan, como en Moby Dick, se tracta de ballena a lo que, seguntes a descripción, ye un cachalot (clamato sperm whale, ballena de l'esperma, en anglés).
En o "Libro d'el Trasoro" en dicen:
A parola BALAENA u BALLAENA en latín presenta aspectos de dificil interpretación. Bell autor la considera un helenismo, feito que atros autors qüestionan. Bi ha bell autor que considera que ye una parola d'orichen ilirico, dende a on que lo habrían amprau en griego y en latín. En tot caso se considera que BALAENA presenta un orichen a partir d'a mesma radiz indoeuropea que ha dau en griego φαλλός, amprau en latín como phallus ("falo").
Os cetacios son mamiferos, y como todos os atros representants d'ixa clase, respiran aire con os livianos, son de sangre calient (mas precisament son endotermicos), dan de tetar a las suyas crías y tienen pels (encara que muit vestichials). Presentan un caracteristico alargamiento d'o rostro y una migración d'a nariz entabant a parte superior d'a cabeza. Os misticetos tienen dos orificios nasals y os odontocetos nomás en tienen uno.
Os cetacios son os mamiferos millor adaptatos a lo medio aquatico; o cachalot por eixemplo, puede remanir baixo l'augua dica dos horas con una sola inspiración y baixar ta fundarias de 2.800 m. Os misticetos no tienen dients, pero poseen unas placas queratinosas que se dicen barbas u ballenas, emplegatas como porgadero ta retener peixes y crustacios, d'os quals s'alimentan. As barbas no son estructuras homologas a los dients y lo suyo orichen ye tegumentario. O tipo d'estructura bucal (barbas en os misticetos y dients en os odontocetos) ye relacionato con o tipo de dieta; os misticetos son coladors (bocas grans, amplas y barbas) mientres que os odontocetos (bocas finas y dentatas) son cazadors. As costiellas son libres (no unitas ventralment ta la espineta), o que lis permite una gran plasticidat d'o volumen pulmonar. Os miembros anteriors son modificatos en aletas, o tren posterior ha desapareixito de tot y os uesos d'a cadera son vestichials u inexistents. A coda ye muy fuerte y musculosa y remata en una aleta horizontal emplegata ta propulsar-se. Qualques especies tienen una aleta dorsal. En cheneral tienen un gran repertorio "vocal". Os misticetos emplegan o sonito prencipalment ta comunicar-se entre ellos; pero os odontocetos emplegan adicionalment a gama de freqüencias altas a modo de sónar.
A ballena azul (Balaenoptera musculus) ye especialment notoria por estar o mamifero mas gran que conoixemos a suya existencia. Puede plegar ta os 30 m de largo y as 180 t de peso.
Respective a l'alimentación, os cetacios pueden estar deseparatos en dos grupos:
Os cetacios evolucionoron dende os mamiferos terrestres d'habitos amfibios, probablement mientres l'Eoceno, dica 55 y 34 millons de anyos enantes. As prebas mas recients confirman una viella hipotesi seguntes a qual os cetacios evolucionoron a partir de miembros de l'orden d'os artiodactilos, o mesmo que incluye a vacas, antilopes, ciervos, tocins y hipopotamos.
Muitas d'as especies fósils mas antigas de cetacios se clasifican en un orden especifico: os arqueocetos (Archaeoceti). En 2001, dos importants fósils incompletos de 47 millones de anyos d'antiguidat, clamatos Rodhocetus balochistanesis y Artiocetus clavis, fueron trobatos en Baluchistán (Pakistán). Istos fósils representan formas intermedias entre ungulados terrestres y ballenas, y son evidencia de que os parients mas amanaus d'as ballenas en ambientes terrestres debeban estar pareixidos a os hipopotamos, encara que as prebas d'ADN no premiten asegurar que istos lo sean de feito. Sindembargo a filochenia d'os hipopotamos actuals se remonta a nomás bells 15 millones d'anyos por o que queda descartada una evolución dreita dende os hipopotamos dica os cetacios, seguntes Thewissen[1] en un articlo publicau en Nature (diciembre de 2007) un chicot artiodactilo de fa 48 millons d'anyos, o Indohyus (semellant a l'actual hiemosco u «ciervo-ratet africano») habría prencipiado o linache d'os cetacios; como l'hiemosco, o Indohyus aunque bien adaptato a la marcha terrestre, frecuentement, ante os suyos posibles predadors, s'acubillaba en medios aquaticos, ye probable que succesivas mutacions en o chenoma dasen especies transicionales semellants primerament a los actuals hipopotamos y dimpués a los actuals sirenios dica plegar en especies altament adaptatas a lo medio aquatico, por eixemplo a Pakicetus attocki ye o rechistro fósil de ballena mas antigo que se conoix en l'anyo 2007; efectivament fa unos 35 millons d'anyos os ancestros marins d'os actuals cetacios perdioron definitivament as suyas patas as quals por converchencia evolutiva se transformoron en aletas u quedoron como chicotz y atrofiatos uesos vestichials.
O siguient cladograma amuestra as relacions filocheneticas d'os cetacios (seguntes Babinski):[2]
Existen arredol de uitanta especies de cetacios, divididas en dos subordens y 11 familias,[3] a las que hay que anyadir el suborden Archaeoceti, extinto, con cinco familias mas.[4]
Os ecolochistas han discutido durante mucho tiempo que bellos cetacios se troban en periglo por os sónars y especialment os emplegatos por equipos y navíos militars. Scientificos britanicos han socheriu fa poco que bells baramientos recients son relacionatos con maniobras melitars involucrando l'emplego d'o sónar. Os baramientos de ballenas escayecen de feito ocasionalment en as diferents especies; y istos han servito durante mucho tiempo para estimar a población de bellas especies.
En Archentina s'ha formato una campanya a favor d'istos mamiferos y en contra d'a caza indiscriminada, considerando un acto cruel do se realiza, sobretot en países desembolicatos. Encara que en iste país i habió también una marcha u movilización de presonas, como una protesta en contra d'a caza de cetacios, este acto se conoixió como la "Gran Marcha Azul"[1]. Una d'ellas que encabezó y emparó ista marcha, estió a cantaire y actriz uruguaya Natalia Oreiro. Isto tamién ha preso en cuenta os países miembros d'a Unión Europea y d'o Consello d'Europa que la conforman os 46 paises d'o continent europeu, ta mirar una presión y que no faigan mortaleras d'istos mamíferos.
Os cetacios (Cetacea, d'o griego ketos, "ballena" y d'o latín aceum, "relación u a naturaleza de bella cosa") son un orden de mamiferos placentarios adaptatos a la vida aquatica que incluye a las ballenas, cachalotz, cifios, delfins, orcas y marsopas. L'orden ye constituito por unas ueitanta especies vivients clasificadas en 42 cheners asignatos a 11 familias.
Os cetacios actuals se clasifican en dos subórdens: Mysticeti (ballenas con barbas, que s'alimentan filtrando l'augua) y Odontoceti (animals cazadors, con una dentición de dients iguals que s'alparta muito d'o que ye caracteristico d'os mamiferos).
Muitas especies de cetacios s'han cazau dica amanar-los a la extinción, ta obtener a suya carne, a suya graixa (emplegata ta producir aceite ta lampas) u l'ambre gris (propio d'os cachalotz), emplegato ta perfumes. O Convenio Internacional ta la Regulación d'a Caza de ballenas (ICRW), en vigor dende 1948, administrato por a Comisión Ballenera Internacional (IWC)regula, a explotación de cetacios.
