El persegaro o persegher o persegar (nome sientifego Prunus persica) el xe un àlbaro chel vien da ła Cina e xe conosiuo par el fruto, el pèrsego, dolse e sucoxo e zucarin. De solito i pèrseghi i vien maùri in lujo-agostoe i xe piante ke riva a 1—8 metri. Łe foje, verdi e strete, longhe 6 – 12 cm , łe vien fora in primavera, ma i fiori, roxa, i buta prima, anca ała fine deł'inverno. In mexa istà vien fora i fruti, tondi, de cołor roso-roxa o xało, con na pełuria fina suła scorsa e na noseła grosa e porosa drento.
El persegaro el ga bisogno de caldo par vivere e 'łora el so areałe in Eoropa el xe istèso de keło deł'ua.
El nome deriva dal fato che i eoropei i credea chel vegnèse da ła Persia (atuałe Iran), da dove el xe stà ciapà da Sandro Magno. 'Ntel I secoło el persegaro el xe rivà a Roma.
Ghe xe un famoso deto popołare chel dise: tanto vae ndar spasolare i perseghi, che vol dire che xe na roba che noa serve a gnente.
Da nialtri i fiori de persegaro i xe sinboło del sposałisio. In Cina el persego xe sinboło de imortałità. 'Nteła mitołogia taoista ła regina madre dell'ocidente (Xiwangmu) ła coltiva i persegari in na vałe de montagna distante e sconta, 'ndove ke i perseghi i maùra soło na volta ogni miłe ani.
El persegaro o persegher o persegar (nome sientifego Prunus persica) el xe un àlbaro chel vien da ła Cina e xe conosiuo par el fruto, el pèrsego, dolse e sucoxo e zucarin. De solito i pèrseghi i vien maùri in lujo-agostoe i xe piante ke riva a 1—8 metri. Łe foje, verdi e strete, longhe 6 – 12 cm , łe vien fora in primavera, ma i fiori, roxa, i buta prima, anca ała fine deł'inverno. In mexa istà vien fora i fruti, tondi, de cołor roso-roxa o xało, con na pełuria fina suła scorsa e na noseła grosa e porosa drento.