Moschatel, Townhall Clock

Wšědna pižmonka (Adoxa moschatellina) je rostlina ze swójby pižmonkowych rostlinow (Adoxaceae).

Wšědna pižmonka (Adoxa moschatellina)

Wopisanje

Wšědna pižmonka je trajne zelo, kotrež docpěwa wysokosć wot 5 hač 15 cm.

Spódnje łopjena su dwójce třidźělne, krótko přikónčene, maja jejkojte wotrězki. Stołpikowe łopjena su mjeńše.

Kćěje wot měrca hač meje. Něhdźe 5 mm wulke, nazeleń žołte kćenja steja po pjećoch w kulowatej, nimale kóstkojtej hłójčce, kotraž přesaha łopjena. Bóčne kćenja maja zwjetša pjeć kćenjowych łopješkow a třidźělny keluch, mjeztym zo nakónčne kćenja maja jenož štyri kćenjowe łopješka a dwudźělny keluch. Dwě přećiwostejnej próškowej łopješce stej jednory třiličbnej.

Stejnišćo

Rosće we łučinowych lěsach, włóžnych lěsach a w kerčinach, w Alpach hač do wysokosćow wot něhdźe 1800 m. Preferuje wutkate pódy.

Rozšěrjenje

Rostlina je w nimale cyłej Europje rozšěrjena.

Wužiwanje

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 368
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, 372
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)