Ranunculus ficaria l'è 'na piànta erbàcea perène de dimensiù bastànsa pesène, che fà part de la famìa botànica de le Ranunculaceae.
La g'ha raìs tüberùze cilìndriche che se 'ngròsa arènt a la superfìce del teré. Le fòie i è grànde de piö de 'n ghèl de fùrma ovada-cordada, entréch o crenàt, de culùr vért scür e löster, e conden gambì bel lónch.
I fiùr i è sùi, ermafrudìcc, atinomòrf, grancc de 1,5 a 4 ghèi. El pereànse l'è de tré sépali, con 7 pétali o pò a de piö (el pöl vìghen enfìna a 20) de culùr zalt bèl löster. En mès al fiùr gh'è divèrsi stam dispunìcc a sércol entùren a 'n quach "granèl" endèla zòna centràl e che i deentarà 'l fröt de la piànta (poli-achéni). El vé a fiurì 'n envéren a cumincià de le metà febrér 'nfìna a la Primaéra en zòne ömede, pàscoi, rìe e bósch frèsch.
Se 'l tróa 'n töta Europa e 'ndel'Asia ucidentàla.
El Ranunculus ficaria l'è stat discriìt de Linèo e püblicat endèl Species Plantarum 1: 550. 1753.[1]
Ranunculus ficaria l'è 'na piànta erbàcea perène de dimensiù bastànsa pesène, che fà part de la famìa botànica de le Ranunculaceae.