Magrun grossu neigru (Phalacrocorax carbo), grossu oxellu de mâ de cô scüu, cu-in lungu beccu a cancætu e in lungu collu a cantabrün-a. U l'e lungu da 70 a 102 cm. cu-in avertüa de âe da 121 a 160 cm.
U xöa bassu, a 'n metru da l'ægua, cun sbatte di âe cunstante.
U passa tantu tempu inmobbile in scî scöggi a suigiâse , soventi cu-e âe averte pe sciügâse e ciümme, doppu c'u l'ha fætu u bagnu.
Ecelente pescòu, u se bulla ogni menütu, u l'aresta sutt'ægua scin-a 45 segundi, u turna sciü, magara 100 metri ciü in la, u repiggia u sciòu pe chinze segundi e u se bulla turna.
Pâ che in Cinn-a e in Giapun î dövian pe pescâ: i tegnan ligæ o-u strilæn e ghe strenzan in laççu o-u collu de moddu che nu possan culâ i pesci che piggian; i fan anâ inte l'ægua e da pö î tian sciü e ghe fan caciâ i pesci che gh'è arestou intu canuezu.
