European Goldfinch

Eier vom Carduelis carduelis

S Tisteli (Carduelis carduelis; alemanischi Näme) isch e Zugvogel, wo in Mitteleuropa brüetet und mitti November as Mittelmeer flügt und erst mitti Mai zuruggchert. Wege sim höbsche Uussie und sim Gsang werd s au i Chefi ghalte.

Uussie

S Tisteli isch e bunte Vogel. S het e bruuni Obersiite und e schwarzi Flögel mit eme geele Straiffe und wiisse Flecke. De Chopf isch wiis, aber um de wissi Schnabel und um d Auge root und d Chappe isch schwarz. De Buuch isch wiislich mit hellbruune Flecke. Mandli und Wiibli gsiend gliich uus. Tisteli wered 12 bis 14 cm grooss, hend e Spannwiiti vo 21 bis 25 cm und wöget 12 bis 18 Gramm.

Lebeswiis

S Tisteli lebt i ufglockrete Laub- und Mischwälder, i Pärk und uf Fridhööf i Sidligsnööchi. S baut us Hälm, Wörzeli und Mies e Nest uf hööche Bömm und polsteret da mit Hoor und Wule uus. Tischteli fresset Söömli, Chnospe und Insekte. De Name het s wells, vor alem Söömli us de Tistle pike tuet.

Büecher

• Hans-Günther Bauer, Einhard Bezzel, Wolfgang Fiedler: Das Kompendium der Vögel Mitteleuropas. Bd. 2. Passeriformes – Sperlingsvögel. Alles über Biologie, Gefährdung und Schutz. Aula, Wiebelsheim 2005, ISBN 3-89104-648-0
• Urs N. Glutz von Blotzheim: Handbuch der Vögel Mitteleuropas 14/2, Passeriformes. Aula Verlag, Wiesbaden, 1997, ISBN 3-89104-610-3
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
• D. W. Snow, C. M. Perrins: The Birds of the Western Palearctic concise ed. Oxford University Press, 1998, ISBN 0-19-854099-X
• Heinz Staffelbach: Handbuch Schweizer Alpen; Bern 2008.ISBN 978-3-258-06895-4