Dog Rose

Krickata roža^[3] (Rosa canina) je rostlina ze swójźby rožowych rostlinow (Rosaceae). Jeje płod jo głogowe jabłuško^[4][5].

Ilustracija krickateje rože

Płody

Wopis

Krickata roža jo kerk, kótaryž dośěgnjo wusokosć wót 1 až do 3 m.

Gałuzy su wobłukaśe pśewisujuce abo łazece.

Łopjena

Łopjena su nage a 5-7-ličbnje pjerinate. Jich wogonk jo njekósmaty, ale cesto njaso wogonkate załzy a serpikojte štapce.

Kwiśonki

Kwiśo w juniju. Kwiśonki su swětłorožojte, sejźe zwětšego pó wšakich na nagich wogonkach a dośěgnu šyrokosć wót 4 až do 5 cm. Keluškowe łopjeńka su pó casu kwiśenja wótpókšyte a pśed zdrjałosću wótpadaju. Zwenkowne keluškowe łopjeńka su pśez sćažne pśiwiski pjerinate. Pěstki su lichotne, krotke a jano małko z kwiśonkowego bjacharika segaju.

Płody

Głogowe jabłuško jo cerwjene, nage a sćažnje jajojta.

Stojnišćo

Rosćo w žywych płotach, na lěsnych a drogowych kšomach a pustych płoninach. Ma lubjej śopłe, zwětšego do dłymi duce glinjane zemje.

Rozšyrjenje

Rostlina jo w Europje rozšyrjona.

Nožki

1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 428
2. ↑ W internetowem słowniku: Rose
3. ↑ ^{3,0 3,1} W internetowem słowniku: Heckenrose
4. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 139, ale w pluralu
5. ↑ W internetowem słowniku: Hagebutte

Žrědła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 454 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 410 (nim.)