Common Mole, European Mole

Pol discramiaedje des årtikes avou l' mot "Fougnant", loukîz cial

on fougnant

Li foyant d' Urope (u fougnant d' Urope, u foyon d' Urope) u foyon^[1][2], c' est on fougnant k' on trouve dins cåzu tote l' Urope.

No d' l' indje e sincieus latén : Talpa europaea

Motlî

Les fougnants estént tchessîs po leu pea. Gn aveut des djins ki c' esteut leu mestî, u leu mwaisse pasmint d' tins : les fougnatîs.

Li moncea d' tere fwait pa les fougnants si lome frumoujhe u mofioûle, u mote u boute.^[3]

Dispårdaedje des fougnants

Spårdaedje do fougnant d' Urope

Les fougnants ni vikèt k' e l' Urope, mins nén e Coûtchant d' l' Espagne ni å Portugal, ni e l' Inglutere ni e l' Escandinaveye.

End a eto el Sibereye, so l' Azeye.

Rapoirt avou les djins

Les foyons sont waitîs come des distrujheus d' corti, et, po ça, on saye d' elzès touwer.

Dins les waides, les boutes di fougnant divèt esse ristramêyes; on l' fwait tot passant l' îpe a l' evier, udon pa èn emantchaedje di dmeys puneus, u avou des machines pus avanceyes.

Sourdants

1. ↑ «fougnant» lu-minme vénreut di "foyan", ene disfondowe di "foyon" (oyon ON/AN; ALW 8 p. 89), mins l' ortografeye "fougnant" endè fwait èn erîlé parint di "fougnî", on mot k' a seur assaetchî li bodje etimolodjike.
2. ↑ Po tos les nos e walon, et leus accints, loukîz al notule ALW 8 44.
3. ↑ Po tos les nos e walon, et leus accints, loukîz al notule ALW 8 45.