nomes no trilho de navegação
El sanbugaro el xe na pianta (nome sientifego Sambucus nigra) deła fameja dełe Caprifoliaceae che se pol catar in Eoropa, America del nord e Axia oçidentałe. El nome el deriva dal greco sambýkē, a so olta de derivasion orientałe, uxà prinçipalmente par indicar el nome de un particołar strumento muxicałe, che el vegnea apunto fabricà col łegno de sta pianta. In inglexe se dixe elder, in todesco Holunder o Holler, in tałjan sambuco. Se trata de 'n arbusto ke crese drio ai fosi o in posti umidi, fin ai 1500 metri sul liveło del mare, e ke pol rivar a vivere anca 20 ani. El ga foje longhe 30 cm conposte da 5 o 7 fojete de 12 cm, a forma de lancia e bordo seghetà, cołor verde scuro.
I fiori i xe del tipo a corinbo, a forma de onbrełete, de cołor bianco, e i vien fora in apriłe-giugno. In agosto-setenbre buta łe perle, de cołor moro, col pecol roso. Drento łe foje e łe perle se trova diverse sostanse: ła sanbunigrina, ke ła pol dare efeti tosici sui boce e sułe bestie pi picołe, con vomito e diarea (col riscaldamento no ghe xe pi problema parkè sta sostansa ła se degrada e no ła fa pi gnente), oji esensiałi, vitamine C e B, diversi flavonoidi, come ł'antocianina, ke ga na forte asion anti-osidante e ła protège łe cełułe dał'asion tosega dei cosideti radicałi libari. 'Ntełe perle se trova ła sanbucianina, altro fortisimo anti-osidante (e in sto senso anca anti-cancro). Ła sanbucianina xe anca un cołorante e ła vien doparà par łe tinture de caveji, pal corame e 'nteł'industria tesiłe. Coi fiori e cołe perle se pol preparar marmełade e gełatine, ma soratuto el famoxo łiquor.
A Verona el Sambucus nigra xe conosuo col nome de saugar. Da sto termine deriva na paroła de uxo cołoquiałe, saugo, uxà par indicar qualcheduni un poco tonto, mia tanto xveo. L' anałogia xe dovua a na carateristica ben nota de sta pianta, quałe el so midoło spugnoxo che, in te i rami piasè veci, el pol convertirse in na cavità. Sta carateristica xe stà sfrutà anca da jenerasioni de boce, che i l'à uxà par costruir fisceti e altri xughi.
El sanbugaro el xe na pianta (nome sientifego Sambucus nigra) deła fameja dełe Caprifoliaceae che se pol catar in Eoropa, America del nord e Axia oçidentałe. El nome el deriva dal greco sambýkē, a so olta de derivasion orientałe, uxà prinçipalmente par indicar el nome de un particołar strumento muxicałe, che el vegnea apunto fabricà col łegno de sta pianta. In inglexe se dixe elder, in todesco Holunder o Holler, in tałjan sambuco. Se trata de 'n arbusto ke crese drio ai fosi o in posti umidi, fin ai 1500 metri sul liveło del mare, e ke pol rivar a vivere anca 20 ani. El ga foje longhe 30 cm conposte da 5 o 7 fojete de 12 cm, a forma de lancia e bordo seghetà, cołor verde scuro.
I fiori i xe del tipo a corinbo, a forma de onbrełete, de cołor bianco, e i vien fora in apriłe-giugno. In agosto-setenbre buta łe perle, de cołor moro, col pecol roso. Drento łe foje e łe perle se trova diverse sostanse: ła sanbunigrina, ke ła pol dare efeti tosici sui boce e sułe bestie pi picołe, con vomito e diarea (col riscaldamento no ghe xe pi problema parkè sta sostansa ła se degrada e no ła fa pi gnente), oji esensiałi, vitamine C e B, diversi flavonoidi, come ł'antocianina, ke ga na forte asion anti-osidante e ła protège łe cełułe dał'asion tosega dei cosideti radicałi libari. 'Ntełe perle se trova ła sanbucianina, altro fortisimo anti-osidante (e in sto senso anca anti-cancro). Ła sanbucianina xe anca un cołorante e ła vien doparà par łe tinture de caveji, pal corame e 'nteł'industria tesiłe. Coi fiori e cołe perle se pol preparar marmełade e gełatine, ma soratuto el famoxo łiquor.
A Verona el Sambucus nigra xe conosuo col nome de saugar. Da sto termine deriva na paroła de uxo cołoquiałe, saugo, uxà par indicar qualcheduni un poco tonto, mia tanto xveo. L' anałogia xe dovua a na carateristica ben nota de sta pianta, quałe el so midoło spugnoxo che, in te i rami piasè veci, el pol convertirse in na cavità. Sta carateristica xe stà sfrutà anca da jenerasioni de boce, che i l'à uxà par costruir fisceti e altri xughi.
