La mabea grande (Phalacrocorax carbo), tamién conocida como gran mabea o mabea prieta, ye una especie d'ave suliforme de la familia Phalacrocoracidae[1][2] de distribución mundial. Habita en cualquier estensión grande d'agua, incluyendo llagos, ríos, estuarios y agües costeres. Añera en gran parte de les mariñes del océanu Atlánticu, sobremanera n'Europa y Norteamérica.
La mabea grande ye un páxaru negru d'unos 77-94 cm de llargu y 121-149 cm de valumbu. Tien una cola llarga y un gargüelu amarellentáu. Los adultos llucen plumes blanques nes pates mientres la estación de cría. N'Europa pue estremase de la so pariente mabea de moñu (Phalacrocorax aristotelis) pol so mayor tamañu, constitución más robusta, picu más gruesu, escarez de cresta y el color de les sos plumes ye escuru, ensin reflexos verdosos. La cola de la mabea de moñu tien 12 plumes remeres, la de la mabea grande 14. El final del quexal inferior del picu acaba primero que'l güeyu y na mabea grande acaba dempués del güeyu. En Norteamérica estrémase del mabea oreyuda (Phalacrocorax auritus) porque tamién ye más grande y pesada y el gargüelu d'esta postrera tien un color mariellu más intensu.
Al igual qu'otres mabees, tien un plumaxe pocu impermeable, polo qu'estiende les sos nales pa ensugase. Tien un vuelu aleteante y estable, con planeos ocasionales. Ye carauterística la so figura de vuelu en forma d'aspa.
La mabea grande (Phalacrocorax carbo), tamién conocida como gran mabea o mabea prieta, ye una especie d'ave suliforme de la familia Phalacrocoracidae de distribución mundial. Habita en cualquier estensión grande d'agua, incluyendo llagos, ríos, estuarios y agües costeres. Añera en gran parte de les mariñes del océanu Atlánticu, sobremanera n'Europa y Norteamérica.