Water Pepper

Hórka wuroć^[1][2] (Persicaria hydropiper, syn.: Polygonum hydropiper^[3]) je rostlina ze swójby wuroćowych rostlinow (Polygonaceae).

Wopis

Hórka wuroć je jednolětna rostlina, kotraž docpěje wysokosć wot 25 hač do 60 cm.

Łopjena su lancetojte a docpěja dołhosć wot 4 hač do 12 cm.

Kćěje wot julija hač do septembra. Swětłoróžojte abo nazeleń běłe kćenja docpěja dołhosć wot 3 hač do 6 cm a steja w ćeńkich, čumpatych, zwjetša přewisowacych, 4-6 cm dołhich kwětnistwach, při čimž kćenja su po jednym widźomne.

Wobsahowa maćizna

Rostlina wobsahuje eteriske wolije.

Stejnišćo

Rosće w hrjebach, na brjohach, na žórłach, na lěsnych pućach a na pustych płoninach. Ma radšo mokre, zwjetša małowapnite pódy.

Podobna družina

• Miła wuroć (Persicaria dubia) ma miły słód.

Nóžki

1. ↑ ^{1,0 1,1} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 610.
2. ↑ ^{2,0 2,1} W internetowym słowniku: Knöterich
3. ↑ Persicaria hydropiper (L.) Delarbre. Germplasm Resources Information Network - (GRIN), 17. August 2005, wotwołany dnja 8. meje 2008 (jendźelšćina).

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 358, jako podobna družina Wasserpfeffer, Pfeffer-Knöterich (P. hydropiper) pod hesłom Milder Knöterich (Polygonum mite) (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 40 (němsce)