Alpine Bilberry

Wopowańska jagoda^[3] (Vaccinium uliginosum L.) jo rostlina ze swójźby wrjosowych rostlinow (Ericaceae).

Zdrjajuce jagody

Kwiśonki

Wopis

Wopowańska jagoda jo kerk, kótaryž dośěgnjo wusokosć wót 30 až do 100 cm.

Gałuzy su wogonkokulowate a brune.

Łopjena

Módrozelene łopjena su měnjate, gropne, cełokšomne, tupe, wopak jajojte a dośěgnu dłujkosć wót 2 cm. Jich dolny bok jo šerozeleny.

Kwiśonki

Kwiśo wót maja až do julija. Dłujko jajojte, rožojte abo naběłe kwiśonki dośěgnu dłujkosć wót 5 mm a njasu zwětšego styri, rědko pěś cypliškow.

Płody

Płod jo módra jagoda z swětłym měsom a dośěgnjo šyrokosć wót 6 až do 10 mm. We wjelikich pitśach mógu k wopowańskim stawam wóźiś, dokulaž grib Monilinia megalospora płody toś teje rostliny cesto pódejś.

Stojnišćo

Rosćo w chójcowych a brjazowych bagnach a w krickach z małorostnych kerkow w górinach. Ma lubjej włožne, małokalkate, kisałe zemje.

Rozšyrjenje

Rosćo w pódpołnocnej a srjejźnej Europje, w pódpołdnju w górinach rozšyrjona, pśi comž w Alpach we wusokosćach wót až něźi 2500 m wustupujo.

Wužywanje

Pódobna družyna

• Carnica (Vaccinium myrtillus) ma wótšo granjate gałuzy. Jeje jagody maju módrocerwjene měso.)

Nožki

1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 89
2. ↑ W internetowem słowniku: Heidelbeere
3. ↑ ^{3,0 3,1} W internetowem słowniku: Rauschbeere