Bunchberry

Šwedski drěn (Cornus suecica) je rostlina ze swójby drěnowych rostlinow (Cornaceae).

Kwětnistwo wotboka wobhladane

Ilustracija

Wopis

Šwedski drěn je zelišćowa rostlina, kotraž docpěwa wysokosć wot 5 hač 20 cm.

Stołpik je njerozhałuzowany, zrunany, štyrihranity a z jednym, nakónčnym wokołkom.

Łopjena

Łopjena su jejkojte, sedźace, na delnim boku módrozelene a maja tři hač pjeć nerwow.

Kćenja

Kćěje wot julija hač awgusta. Kćenja su ćmowočerwjene, steja po wosmjoch hač po pjećadwacećoch we wokołku a docpěwaja dołhosć wot 2 mm. Nimo toho su wot štyri běłych, 5-8 mm dołhich, jejkojtych přikrywnych łopješkow wobdate.

Stejnišćo

Rosće w tymjenjach, holach z małoróstnych kerčikow a na pochowych pódach.

Rozšěrjenje

Rostlina je w sewjerozapadnej Němskej a sewjernej Europje rozšěrjena.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 101.
2. ↑ W internetowym słowniku: Hartriegel

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 28 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Hlej wotpowědne dataje we Wikimedia Commons:
Šwedski drěn