Smooth Brome

Tupa kostrjawa (Bromus inermis) je rostlina ze swójby słódkich trawow (Poaceae).

Wopis

Tupa kostrjawa docpěwa wysokosć wot 30 hač 100 cm. Rostlina njese wuběžki.

Łopjena

Łopjena su nahe a płone. Wone docpěwaja šěrokosć wot 6 hač 10 cm. Jich kóžki su 2 mm dołhe.

Kćenja

Kćěje wot junija hač julija. Pakić je zrunana a docpěwa dołhosć wot 10 hač 20 cm. Pakićowe hałuzy docpěwaja dołhosć wot 5 cm. Kłóski su linealnje-tupe a docpěwaja dołhosć wot 2 hač 3 cm. Delnja přikrywna pluwizna je jednonerwowa, mjeztym zo je hornja přikrywna pluwizna třonerwowa. Kryjace pluwizny su njekochtate abo njesu 1-2 mm dołhi kocht.

Stejnišćo

Rosće na pućowych kromach, rolach a suchich trawnikach.

Rozšěrjenje

Rostlina je w sewjernej a srjedźnej Europje rozšěrjena, při čimž južnje hač Alpskeje južneje stopy a Balkanskeje połkupy wustupuje.

Noty

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 212.
2. ↑ W internetowym słowniku: Trespe

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 380 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Tupa kostrjawa