Kalong iku anggota bangsa lawa (Chiroptera) sing kagolong sajeroning familia Pteropodidae, siji-sijiné familia anggota subordo Megachiroptera. Tembaung "kalong" kerep dipigunakake kanggo ngganti tembung lawa sajeroning pacelathon sadina-dina, sanadyan kanthi ilmiah bab iki ora trep, amarga ora kabèh lawa iku kalong. Kalong iku kéwan hèrbivor, lan mung mangan woh-wohan utawa ngisep nektar saka kembang.
