De fiesjow (Mustela putorius) is e roofbêeste van de familie van de marterachtign (Mustelidae). De bêeste komt vôorn in grôote dêeln van Europa toet in westelik Azië en nôordôostelik Afrika.
De fiesjow is dichte familie van de wezel en den hermelyn, mor ook e wilde vôorvoader van de fret (Mustela putorius furo), die anzien wordt lik een oendersôorte.
De fiesjow kan 45 toet 65 santimeter kommn. De vintjes kommn veel grotter en zwoarder of de wuuvetjes. Z' èn e dikke vacht, die bruun toet zwart van kleur is. De pôotn en de steirt zyn wel altyd zwart.
De kop van de fiesjow is dêels wit toet witgeel of grysde en der lopt e doenkeren band tusschn under oogn.
De pôotn zijn relatief kort, moa styf krachtig. De klauwers zyn nie intrekboar en speeln e rolle by 't groavn van under hol.
De fiesjow is e bodembeweuner die zeldn klemt en ook nie geirn zwemt. Je beweegt deur ofwisselend te loopn en te spriengn en van tyd stille te stoan ip zyn achterpôotn. De bêeste is actief by nacht en verduukt hem overdag in zyn hol. De fiesjow is e styf actieve roofbêeste die leeft van klêene toet middelgrôote gewervelde bêestn lik muuzn, rattn, puutn, keuns, en veugels. Z' eetn ook geleedpôtige bêestn en fruut. De fiesjow zoekt zyn prôoie met d' hulpe van zyn reuke die goed oentwikkeld is, beter of zyn zicht. E prôoibêeste wordt deurgoans in de nekke gebeetn en ton weg en were geschud toet da 't dôod is. Der wordt geweunlik e vôorroad angeleid.
Under vyandn zyn andere roofbêestn lik slangn en vossn. By e confrontoasje wordt e bloazend geluud gemakt en wordt e melkachtig stienkend vocht gespeit uut de geurkliern an under steirtbasis. Da wordt ook gebruukt vor under territorium te markeern. De noame Mustela putorius verwyst doa noatoe en wil zeggn stienkende wezel.
De fiesjow (Mustela putorius) is e roofbêeste van de familie van de marterachtign (Mustelidae). De bêeste komt vôorn in grôote dêeln van Europa toet in westelik Azië en nôordôostelik Afrika.
De fiesjow is dichte familie van de wezel en den hermelyn, mor ook e wilde vôorvoader van de fret (Mustela putorius furo), die anzien wordt lik een oendersôorte.
