Blueberry

მელფა (Vaccinium) — ჩანარეფიშ გვარი მანანაშობურეფიშ ფანიაშე. იროწვანე ვარდა ფურცელმაცჷმე გვერდო ბართვი ვარდა ბართვონი რე.

აკმაართიანენს 100-შახ გვარობას. საქორთუოს თე გვარიშ 4 გვარობა ჩანს. თინეფშე სუმი — გვალაშ მელფა (Vaccinium myrtillus), ლენი მელფა (Vaccinium uliginosum) დო ჭითა მელფა (Vaccinium vitis-idea) ბორეალური ელემენტეფი რე დო გოფაჩილი რე ჰოლარქტიკული ოქიანუშ სუბალპურ დო ალპურ ორტყაფუეფს დო ართი — კავკაციური მელფა (ანუ მაღალი მელფა) ჩანს გვალაშ გიმენი დო ოშქაშე ორტყაფუეფიშ კოლხური ტიპიშ ტყალეფს დო ოორუე-ბჟაეიოლ ანატოლიას.

გვალაშ მელფა უმოსო დაბალი ბართვი რე. საქორთუოს ჩანს სუბალპურ ტალეფს, აბხვადჷნა უმოს მაღალასჷთ — დეკიანეფს. მაირეთ რე მთათუშეთის, ჭითა მელფა დო ფშქერწკჷმა ართო აკმოქიმინუნს მელიშონს. მელფა ფალჷნს მეს-მანგის, გუმნაღელი მონდიდუ კვირკვე-მარაშინათუთას.

მელფაშ გუმნაღელი მობჟე გემუანი რე. იჭკომუ ლადირო, აკეთენა მურაბასჷთ, იკათუანს C ვიტამინს, მათალე ნოფთიარობეფს. სქირაფილ გუმნაღელს გჷმირინუანა მედიცინას კუჭიშ გჷმაკირალ საშუალებათ. ახალელნაფალა ფურცელეფიშ ნახაშა საუჯგუშო უფუმუმანინე საშუალება რე. ჯგირი მეთოფურე ჩანარი რე.

ლიტერატურა

• ხინთიბიძე ლ, ქორთული სხუნუეფიშ ენციკლოპედია, ტ. 7, ხს. 152, ქართი, 1984 წანა.