Uwa-uwa iku kethèk sajroning kulawarga Hylobatidae. Kulawarga iki biyèn namung ngandhut génus siji waé, nanging saiki dipara dadi patang genera lan 18 spèsiès. Uwa-uwa iki urip ing alas tropis lan subtropis saka Banggaladésa wétan lan India lor-wétan menyang China kidul lan Indonésia (kalebu pulo-pulo Sumatra, Kalimantan, lan Jawa).
Uwa-uwa iki uga diarani hominoidéa cilik lan béda saka hominoidéa gedhé (simpansé, gorila, urangutan, lan manungsa) yèn ditiliki saka awaké, dimorfisme sèksual asor, lan ora nggawé susuh. Menawa ditilik saka anatominé, uwa-uwa sakilas luwih mèmper kethèk tinimbang hominoidéa gedhé, nanging mèmper kabèh hominoidéa, uwa-uwa ora nduwé buntut.
