Arrowhead

Wšědna šipica (Sagittaria sagittifolia) je wódna rostlina ze swójby žabnikowych rostlinow (Alismataceae).

Wopis

Wšědna šipica je naha rostlina, kotraž docpěwa wysokosć wot 1 m. Rostlina ma dołhe wuběžki.

Stołpiki a łopjenowe šiški su třihranite.

Łopjena

Łopjena su na spódku stejace. Prěnje su trawojte, dosahuja dołhosć wot 1 m. Slědowace su owalne hač do šipojte a płuwace. Za čas kćeća eksistuja z wody sahace, třidźělne, šipojte łopjena.

Kćenja

Kćěje wot junija hač do awgusta. Kćenja su jednosplažne, steja w jedyn na druhi stejacych mutličkach, při čimž su deleka žónske a muske kćenja a horjeka su jenož muske. Kćenja docpěwaja šěrokosć wot 1,5 hač do 2 cm. Wonkowne kćenjowe łopješka su zelene a keluchojte. Nutřkowne łopješka su dwójce tak wulke, běłe z čerwjenym spódkom. Stameny su mnoholičbne.

Kćenja buchu wot stojawkow wopróšene.

Płody

Płody docpěwaja dołhosć wot 4 hač do 5 mm.

Stejnišćo

Wšědna šipica rosće w wutkatych, stejacych abo pomału běžacych wodach, hač do wódneje hłubokosće wot 50 cm.

Rozšěrjenje

Wšědna šipica je w nimale cyłej Europje a zapadnej Aziji rozšěrjena.

Kćenja

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 503.
2. ↑ W internetowym słowniku: Pfeilkraut

Žórła

• GU Maxi-Kompaß Blumen, ISBN 3-7742-3852-9, strona 154 (němsce)
• GU Naturführer Blumen, ISBN 3-7742-1507-3, stronje 156-157 (němsce)
• Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 94-95 (němsce)

Eksterne wotkazy

Hlej wotpowědne dataje we Wikimedia Commons:
Wšědna šipica