Pimpinella saxifraga L.

Baltė̄jė pasternuokielē

Pastarnuokielē aba pasternuokielē, baltė̄jė pasternuokielē, pėinžuolė (luotīnėškā: Pimpinella saxifraga) ī tuokis žuolīns, muokslėškā prigolons skietėniu augalū (Apiaceae) šeimā. Anėi aug Euruopuo, Vėdorė Azėjuo, Mažuojuo Azėjuo ė Kaukazė.

Pastarnuokielē aug sausūs pėivūs, dėrvuonūs, palaukies, pamedies, medies, pruogomūs, žuolietūs šlātūs, pakelies. Anėm tink prastas, lėngvas dėrvas, nasibėjė sausmetė.

Tasā žuolīns daugiametis ī, ožaugons lėg 60 cm aukštoma. Šaknės anou būn šakuota, ėšėlga, stiombris statmens, briaunuots. Lapū nie daug, anėi ėšruod kap plonksnas.

Žieds ī 5-8 cm skersmenė skietis, katramė ī da 6-12 skietoku.

Pastarnuokielē ī vaistažuolė: tas ī liekarsta nug skrondė biedū, vėdoriū potėma, vara prakaita.