La Bonina noktardeo aŭ Ogasavara noktardeo (Nycticorax caledonicus crassirostris) estis jam formortinta subspecio de la Oceania noktardeo nome birdospecio de la familio de Ardeedoj.
La Bonina noktardeo estis priskribita de Nicholas Aylward Vigors en 1839 baze sur informoj fare de Heinrich von Kittlitz kaj de la kapitano Frederick William Beechey el la brita ŝipo HMS Blossom el 1828. Ĝi atingis grandon de ĉirkaŭ 61 cm. La krono estis nigra kaj havis du blankajn ornamoplumojn kiuj atingis ties dorson. La dorso estis cinamo-bruna. La subaj partoj estis blankaj. Piedoj kaj kruroj estis oranĝecaj kaj la beko estis nigra. Kontraste kun la Oceania noktardeo ĝi havis pli dikan kaj rektan bekon.
Ĝi troviĝis nur en la insuloj Ogasavaroj aŭ Boninoj Ĉiĉi-jima kaj Nakōdo-jima. Ties habitato konsistis el strandoj kaj marĉoj kie ili nestumis en malaltaj arboj.
Insektoj, fiŝoj, kaj eble malgrandaj testudoj.
La Bonina noktardeo iĝis formortinta nur 50 jarojn post sia priskribo. La lasta specimeno estis kaptita en 1889 en Nakōdo-jima. Ekzistas ses muzeaj specimenoj, po unu en Londono kaj Bremeno, kaj kvar en Sankta Peterburgo. Plej verŝajna tialo por ties formorto estas predado fare de ratoj kaj naturiĝintaj katoj. Tamen ankaŭ kolektantoj fascinitaj pro ties plumoj povus esti responsaj; birdoj mortpafitaj por uzado en ĉapelproduktado (burĝona negocado en nuntempa Japanio) ne estus nun en sciencaj kolektoj.
La Bonina noktardeo aŭ Ogasavara noktardeo (Nycticorax caledonicus crassirostris) estis jam formortinta subspecio de la Oceania noktardeo nome birdospecio de la familio de Ardeedoj.
