Bitter Dock

Tupołopjenojty zdźer (Rumex obtusifolius) je rostlina ze swójby wuroćowych rostlinow (Polygonaceae).

Wopis

Tupołopjenojty zdźer je trajne zelo, kotrež docpěwa wysokosć wot 50 hač do 120 cm.

Łopjena

Łopjena su ćmowozelene a dołhojće-jejkojte. Delnje łopjena su mjenje hač dwójce tak dołhe kaž šěroke, při čimž docpěwaja dołhosć wot 20 hač do 30 cm a na spódku zwjetša su wutrobojte.

Kćenja

Kćěje wot julija hač do awgusta. Kćenja steja w pakićojtych kwětnistwach. Tři kćenjowe łopješka su zubate. Znutřkowe kćenjowe łopješka njesu 3 hač do 8 zubkow. Jedne abo wšě maja mozle.

Płody

Tři powjetšene, třiróžkaće-jejkojte kćenjowe łopješka płodej přilěhaja, při čimž znajmjeńša jedne ma mozl. Łopješka płodoweje wobalki su zubate.

Powětr wobsahowace mozle na płodowej wobalce wolóžuja wupřestrěće płodow z pomocu wody, mjeztym zo hóčkojte kónčki na kromje na zwěrjata. Skót žerje symjenja a njezničene je zaso wupusćuja.

Stejnišćo

Rosće na łukach, na rolach, na pućach, w hrjebach, na drjebiznowych městnach a w njerodźowych wobrostach we wsach a na hródźach. Preferuje skrućene, ćežke pódy.

Rozšěrjenje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 651.
2. ↑ W internetowym słowniku: Ampfer

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 360 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 346 (němsce)

Eksterne wotkazy

Hlej wotpowědne dataje we Wikimedia Commons:
Tupołopjenojty zdźer

Tupołopjenojty zdźer. W: FloraWeb.de. (němsce)