American Basswood

Ameriska lipa (Tilia americana) je rostlina z podswójby lipowych rostlinow (Tilioideae) znutřka swójby šlězowych rostlinow (Malvaceae).

Wopis

Ameriska lipa je štom, kotryž docpěje wysokosć wot hač do 25 m. Rostlina je zmjerzkokruta ale tež horcotu znjese.

Króna je wuska a wysoko hrobata.

Zdónk je runy.

Skora je hładka, šěra, w starobje brózdźena.

Hałuzy přewisuja.

Mutnje zelene łopjena su wutrobojte, zubate a docpěwaja dołhosć wot hač do 15 (20) cm.

Kćěje w lěće. Nažołć běłe, wonjace kćenja steja po pjećoch abo wjacorych we wotwisowacych promjenjach.

Małke, hrubje drjewjane płody su kosmate a njejsu rjapikate.

Stejnišćo

Rozšěrjenje

Rostlina je na wuchodźe Sewjerneje Americe rozšěrjena.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 238.
2. ↑ W internetowym słowniku: Linde

Žórła

• Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 906 (němsce)
• Mayer, Schwegler: Welcher Baum ist das?, Bäume, Sträucher, Ziergehölze, ISBN 978-3-440-11273-1, strona 148 (němsce)