Alpine Bilberry

Čorna wrónowka^[3] (Vaccinium uliginosum L.) je rostlina ze swójby wrjosowych rostlinow (Ericaceae). Dalše serbske mjeno je pjeńca^[4].

Zrawjace jahody

Kćenja

Wopis

Čorna wrónowka je kerk, kotryž docpěje wysokosć wot 30 hač do 100 cm.

Hałuzy su stołpikokulojte a brune.

Łopjena

Módrozelene łopjena su měnjate, hrube, cyłokromne, tupe, wopak jejkojte a docpěja dołhosć wot 2 cm. Jich delni bok je šěrozeleny.

Kćenja

Kćěje wot meje hač julija. Dołho jejkojte, róžojte abo běłojte kćenja docpěja dołhosć wot 5 mm a njesu zwjetša štyri, rědko pjeć kónčkow.

Płody

Płód je módra jahoda z swětłym mjasom a docpěwa šěrokosć wot 6 hač do 10 mm. We wulkich mnóstwach móžeja k wopojnym stawam wodźić, dokelž hrib Monilinia megalospora płody tuteje rostliny často podeńć.

Stejnišćo

Rosće w chójnowych a brězowych tymjenjach a w kerčinach z małoróstnych kerkow w horinach. Ma radšo włóžne, małowutkate, kisałe pódy.

Rozšěrjenje

Rosće w sewjernej a srjedźnej Europje, w juhu w horinach rozšěrjena, při čimž w Alpach we wysokosćach wot hač něhdźe 2500 m wustupuje.

Wužiwanje

Podobna družina

• Holanska jahodka (Vaccinium myrtillus) ma wótro hranite hałuzy. Jeje jahody maja módročerwjene mjaso.)

Noty

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 149.
2. ↑ W internetowym słowniku: Heidelbeere
3. ↑ ^{3,0 3,1} W internetowym słowniku: Rauschbeere
4. ↑ W internetowym słowniku: Trunkelbeere

Eksterne wotkazy

Hlej wotpowědne dataje we Wikimedia Commons:
Čorna wrónowka