Broadleaf Enchanter's Nightshade

Wulka kuzłarnička (Circaea lutetiana) je rostlina ze swójby rěpnicowych rostlinow (Onagraceae).

Wopis

Wulka kuzłarnička je trajne zelo, kotrež docpěwa wysokosć wot 20 hač do 70 cm. Rostlina je rozpjeršena kosmata.

Łopjena

Přećiwostejne, mutne łopjena su šěroko-lancetojte abo jejkojte. Wone docpěwaja dołhosć wot 5 hač do 10 cm a su na spódku skulojćene, zubate a na nerwach kosmate.

Kćenja

Kćěje wot junija hač do awgusta. Běłe hač swětłoróžojte kćenja docpěwaja wulkosć wot 4 hač do 7 mm a steja w jednorej abo tróšku rozhałuzowanej, bjezłopjenowej, nakónčnych kićach, kotrež łopjena přesahuja. Jich stołpik njese žałzowe kosmy. Krónowe łopješka su hłuboko dwudźělne a docpěwaja dołhosć wot 2 hač do 4 mm.

Płody

Płody docpěwaja dołhosć wot 3 hač do 4 mm a njesu hóčkowe seršćiki, z kotrymiž wone na zwěrjatach a ludźoch wisajo wostanu.

Stejnišćo

Rosće w lěsach, na lěsnych pućach a w kerčinach.

Rozšěrjenje

Rostlina je w nimale cyłej Europje rozšěrjena.

Wužiwanje

Podobna družina

• Mała kuzłarnička (Circaea alpina) ma mjeńše kćenja. Jeje łopjena su wutrobojte.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 225.
2. ↑ W internetowym słowniku: Hexenkraut

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 32 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 124 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Weblinks

Hlej wotpowědne dataje we Wikimedia Commons:
Wulka kuzłarnička

• Wulka kuzłarnička. W: FloraWeb.de. (němsce)