ბულეკი (ლათ. Raphanus sativus) — ორტვინული ჩანარი ლუყუშობურეფიშ ფანიაშე. გიშმართჷნა ართწანიან ბულეკის (ევროპული ჯიშეფი), ნამუთ თასუაშ წანას იკეთენს ძირხვის დო თასის, დო ჟირწანიან ბულეკის (თ. ჯ. ოდამორჩილე ჯიშეფი), ნამუთ ძირხვეფს თიმ წანას იკეთენს, თასის — მაჟირა წანას.
საქორთუოს ირდიხას მოჸუნა, მაღალგვალამ ზონასჷთ. თიში მოჸონაფა კინ სატიბასჷთ შილებე. თასჷნა მერღვაფილო. თასუაშ ნორმა 20-25 კგ ჰა-შა. დო ნოლექიქ ვაბაღ-და, დიხას 2-3-შახ ოკო წყარუა. ბულეკიშ მიარე ჯიში არსებენს. საქორთუოშ ბულეკიშ საადრიო ჯიშეშე (ოვეგეტაციე პერიოდი 23-25 დღა) გოფაჩილი რე საქსი, რუბინი, ვარდიშფერი დო ჭითა ჩეკუდელა; ოშქაშე ჯიშეშე (28-30 დღა) — ვიურცბურგი, ტაშკენტი; საგვიანე ჯიშეშე (38-40 დღა) — დუნგანი, ჭითა ვეწე, ჸინიშ კონწოლი დო შხვა. ბულეკიშ თარი მანებელი რე ორტვინიშ წყირი, ნამუშ სააწმარენჯოთ გჷმირინუანა „ბი-58-იშ“ 0,15%-იან წყორს.
