Ol Platichthys flesus cognusìt col nòm de sfòia o de sföia in cremunés l’è ü pès eürialì de la famèa Pleuronectide.
‘L gh’à ‘l còrp ischisàt, cioè l’è ólt e strécc tat de ès piàt piatènt compàgn de öna sfòia e quàndo l’vé grànt ‘l gh’à töi dù i ócc de la stèsa bànda del có, a drécia. De fàti ‘l càmpa pogiàt zó söl fónt o scundìt dét in de sàbia e ‘l se pógia sèmper de chèla bànda, isé a drécia la gh’à ‘l culùr de la sàbia per fas mia ét e la ghà töi dù i öcc, menimà a mansìna l’è biànch.
Chèsto pès se ‘l tróa in del Atlàntech, ma gh’è di popolasiù ach in del nòrt del mar Adriàtech, in del Mar Nìgher e ‘n del Mar d’Azov e s’pènsa che öna ólta i sfòie i si a troès in töt ol mar Mediteràneo, ma dòpo l’öltima glaciasiù chès-cé pès i sarès restàcc adóma ‘ndóe ‘l mar l’è piö frècc e méno salàt.
Ol Platichthys flesus l’è ü pès eüralì, cioè l’è ü pès che ‘l pöl campà tat in aqua de mar, salàda che in aqua dólsa e de fàti öna ólta a la fì de l’estàt i se ‘nfilàa dét in del Pò e i riàa ü bèl tòch piö ‘n sö de Cremùna e i ciapà pò l’Ada almànch per rià sö ‘nfìna a Pisighetù e l’Òi per irà sö infìna a Cané e Piàdena. Al dé de ‘ncö i dìghe e l’inquinamét di àque i fà se che chès-ce pés i ghe rié piö a nodà sö per i fiöm de la Pianüra Padana.
Ferrari V., 2010, Lessico zoologico popolare della Provincia di Cremona, pag. 124, Monografia n° 10 de la colàna Pianura, editùr Pruìnsa de Cremùna, stampadùr Monotipia Cremonese Cremùna.
Ol Platichthys flesus cognusìt col nòm de sfòia o de sföia in cremunés l’è ü pès eürialì de la famèa Pleuronectide.
‘L gh’à ‘l còrp ischisàt, cioè l’è ólt e strécc tat de ès piàt piatènt compàgn de öna sfòia e quàndo l’vé grànt ‘l gh’à töi dù i ócc de la stèsa bànda del có, a drécia. De fàti ‘l càmpa pogiàt zó söl fónt o scundìt dét in de sàbia e ‘l se pógia sèmper de chèla bànda, isé a drécia la gh’à ‘l culùr de la sàbia per fas mia ét e la ghà töi dù i öcc, menimà a mansìna l’è biànch.
Chèsto pès se ‘l tróa in del Atlàntech, ma gh’è di popolasiù ach in del nòrt del mar Adriàtech, in del Mar Nìgher e ‘n del Mar d’Azov e s’pènsa che öna ólta i sfòie i si a troès in töt ol mar Mediteràneo, ma dòpo l’öltima glaciasiù chès-cé pès i sarès restàcc adóma ‘ndóe ‘l mar l’è piö frècc e méno salàt.
Ol Platichthys flesus l’è ü pès eüralì, cioè l’è ü pès che ‘l pöl campà tat in aqua de mar, salàda che in aqua dólsa e de fàti öna ólta a la fì de l’estàt i se ‘nfilàa dét in del Pò e i riàa ü bèl tòch piö ‘n sö de Cremùna e i ciapà pò l’Ada almànch per rià sö ‘nfìna a Pisighetù e l’Òi per irà sö infìna a Cané e Piàdena. Al dé de ‘ncö i dìghe e l’inquinamét di àque i fà se che chès-ce pés i ghe rié piö a nodà sö per i fiöm de la Pianüra Padana.
