La fleso (Platichthys flesus) estas pleŭronekto kiu vivas i.a. en la akvoj de Benelukso.
La fleso estas tre parenca al la plateso, kun la ekstera diferenco ke preskaŭ ne videblas klaraj makuloj sur la (malhela) supro de la fiŝo. La fleso havas pli dikan korpon ol la plateso kaj la karno havas pli delikatan strukturon. Fleso povas atingi longecon de 60 cm.
La fleso vivas en sensala, saleta sed ankaŭ en sala akvo; ĝi estas kaptata ĝis en Bazelo! Per la novaj deflukluzoj kiujn oni metos en la IJsselmeer, la nombro da flesoj en sensala akvo nur pligrandiĝos. La fleso metas siajn ovojn en la maro.
La nutraĵo de la fleso antaŭ ĉio estas salikokoj.
