Cynoglossus canariensis é unha especie de peixe teleósteo da orde dos pleuronectiformes, suborde dos pleuronectoideos, familia dos cinoglósidos e subfamilia dos cinoglosinos,[1] coñecido en galego como lingua de can das Canarias.[2]
A especie foi descrita en 1882 polo ictiólogo austríaco Franz Steindachner.[1]
Ademais de polo nome orixinario que lle deu Steindachner, a especie tamén foi coñecida polos sinónimos:[1]
É un peixe plano de corpo ovalado e rematado nunha cola que se vai estreitando progresivamente,[3] que pode chegar a medir até 60 cm de lonxitude,[4] aínda que os espécimes apañados na pesca adoitan rondar os 40 cm.[5]
É unha especie mariña e de augas salobres, demersal, que habita en augas costeiras tropicais sobre fondos areosos ou lamacentos,[4] a profundidades de entre os 10 e os 300 m,[5] no Atlántico centro-oriental, entre os 21° N e os 10° S, desde as illas Canarias e Mauritania até Angola.[3]
Cynoglossus canariensis é unha especioe comestíbel, que se pesca nas zonas 34 e 47 (Atlántico centro-oriental e sueste, respectivamente).[2]
Cynoglossus canariensis é unha especie de peixe teleósteo da orde dos pleuronectiformes, suborde dos pleuronectoideos, familia dos cinoglósidos e subfamilia dos cinoglosinos, coñecido en galego como lingua de can das Canarias.
