Die Gevlekte halfbek (Hemiramphus far) is 'n vis wat voorkom in die Indiese-Pasifiese area, die Middellandse See, die Rooisee en aan die ooskus van Afrika tot by Knysna. In Engels staan die vis bekend as die Spotted halfbeak.
Die vis het 'n lang onderste kaak wat amper soos 'n naald lyk. Die lyf is lank en die volwassenes is blou-groen aan die bokant, silwer onder en daar is 4 - 6 donker strepe op die lyf. Die bekken vinne is swart. Die vis word tot 43 cm lank.
Die vis leef in riviermondings en word ook inland in riviere gevind. Hulle vreet alge, soöplankton, klein vissies en viseiers. Die verlengde onderste kaak word gebruik om mikroskopiese prooi op te spoor. Die wyfie skiet kuit in die somer. Die visse spring ook uit die water uit oënskynlik om roofvisse te ontvlug. Dit is 'n goeie eetvis.
Die Gevlekte halfbek (Hemiramphus far) is 'n vis wat voorkom in die Indiese-Pasifiese area, die Middellandse See, die Rooisee en aan die ooskus van Afrika tot by Knysna. In Engels staan die vis bekend as die Spotted halfbeak.
