Raccoon Dog

De Marderhond (Nyctereutes procyonoides), och heiansdo als Tanuki ernimmt, ass déi eenzeg lieweg^[1] Raubdéierenaart aus der Gattung Nyctereutes (Marderhënn) bannent der Famill vun den Hënn (Canidae). Dat originellt Verbreedungsgebitt vum Marderhond läit a China, Japan, Russland, Nordkorea, Südkorea, an der Mongolei an am Vietnam. Se liewe gewéinlech a Biergbëscher. D'Déier, dat an Europa ageféiert gouf, ass do an der Tëschenzäit wäitverbreet^[2]. D'Aart ass an der EU als invasiv klassifizéiert^[3]. En ass zu Lëtzebuerg nach net nogewisen^[4].

Vum Kapp bis un den Hënner gi se 66–80 cm laang a se hunn e Schwanz dee 15–25 cm laang ass. D'Gewiicht ass tëscht 4–6 kg (am Summer) oder tëscht 6–10 kg (am Wanter). An der Wanterzäit halen d'Marderhënn aus dem Nordareal eng kuerz Wanterrou^[5].

Et gëtt fënnef Ënneraarte vum Nyctereutes procyonoides^[6].

De Marderhond gëtt a Japan "Tanuki" (狸 / タヌキ) oder "Bake Danuki" (化け狸 / ばけだぬき) genannt. Den Tanuki ass e bekannte Personnage vun der japanescher Mythologie. Et ass eng Kreatur mat positiver Konnotatioun, déi gewéinlech als Hengeyōkai (Metamorph) representéiert gëtt^[7][8].

Um Spaweck

• De Marderhond op neobiota.lu

Referenzen

1. ↑ http://fossilworks.org/bridge.pl?a=taxonInfo&taxon_no=41225#
2. ↑ http://www.iucnredlist.org/details/14925/0
3. ↑ http://www.europe-aliens.org/speciesFactsheet.do?speciesId=52883
4. ↑ https://neobiota.lu/nyctereutes-procyonoides/
5. ↑ http://www.sevin.ru/vertebrates/index.html?Mammals/208.html
6. ↑ Guillaume de Lavigne. Free Ranging Dogs - Stray, Feral or Wild? – Lulu Press, 2015 – ISBN 978-1-326-21952-9
7. ↑ http://www.lemonde.fr/cinema/article/2006/01/17/le-tanuki-canide-support-de-legendes-populaires_731601_3476.html
8. ↑ http://archive.wikiwix.com/cache/?url=http%3A%2F%2Fwww.obakemono.com%2Fobake%2Ftanuki%2F