English Cinquefoil

Stawacy porstnik (Potentilla anglica) je rostlina ze swójby róžowych rostlinow (Rosaceae).

Stawacy porstnik

Ilustracija

Synonymaj

• Potentilla procumbens Sibth.
• Tormentilla reptans L.

Wopis

Stawacy porstnik docpěje wysokosć wot 15 hač 30 cm a ma nižoležacy stołpik, kotryž na sukach často korjeni. Rostlina je k družinje wuwity bastard z družinow lěsny porstnik (P. erecta) a łažawy porstnik (P. reptans).

Łopjena

Spódnje łopjena su tři- hač pjećličbne, kotrychž łopješka maja na kóždym boku štyri hač šěsć zubkow. Stołpikowe łopjena su 1-2 cm dołho stołpikate. Pódlanske łopjena su zwjetša cyłokromne.

Kćenja

Kćěje wot junija hač awgusta. Žołte kćenja su štyriličbne abo pjećličbne. Krónowe łopješka docpěja dołhosć wot 5 hač 7 mm.

Stejnišćo

Rosće na lěsnych pućach, we włóžnych lěsach, na bahnowych łukach.

Rozšěrjenje

Rostlina je w srjedźnej a sewjernej Europje rozšěrjena.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 358.
2. ↑ W internetowym słowniku: Fingerkraut

Žórło

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 134 (němsce)

Eksterne wotkazy

Hlej wotpowědne dataje we Wikimedia Commons:
Stawacy porstnik

• BioLib (čěsce), (jendź.)
• USDA plants database (jendź.)
• Flora of Northern Ireland (jendź.)

Tutón nastawk je hišće zarodk wo botanice. Móžeš pomhać jón dale redigować. K tomu stłóč na «wobdźěłać».

Jeli eksistuje w druhej rěči hižo bóle wuwity nastawk ze samsnej temu, potom přełožuj a dodawaj z njeho.

---

Jeli nastawk ma wjace hač jedyn njedostatk, wužiwaj prošu předłohu {{Předźěłuj}}. Nimo toho so awtomatisce kategorija Kategorija:Zarodk wo botanice doda.