La cortanarices de banduyu planu (Libellula depressa) ye una especie de odonatu anisóptero de la familia Libellulidae. Habita principalmente n'Europa Occidental y Oriental, llegando hasta Asia Central.[1]
El so valumbu ye d'aprosimao 70 milímetros. La fema tien l'abdome de color miel foscu, sacante a los llaos, onde ye mariellu. El del machu ye de color azul maciu. Por causa de estos colores, dambos pueden ser confundíos con Orthetrum cancellatum, otra especie europea de la mesma familia, pero estremase en que L. depressa, amás de tener l'abdome esplanáu y más anchu, tien, en machu y fema, un triángulu pardu foscu na base de los cuatro nales.
Vive principalmente n'agües seles como llagunes, estanques o ríos de corriente bien lenta y con vexetación na vera. Los adultos son activos principalmente de mayu a agostu.[2]
Vuelen bien velozmente sobre l'agua en busca de preses y d'otres libélulas rivales. Ye carauterísticu que tornen a posase nel mesmu tarmu o fueya a asolearse.
Suelen ser difíciles de reparar de cerca, pos vuelen al menor acercamientu o movimientu humanu, sacante cuando se posen cerca d'un monte, cuando ye más fácil reparales de cerca.
La cortanarices de banduyu planu (Libellula depressa) ye una especie de odonatu anisóptero de la familia Libellulidae. Habita principalmente n'Europa Occidental y Oriental, llegando hasta Asia Central.
