European Bur Reed

Jednora jěželnja (Sparganium emersum) je rostlina ze swójby rohodźowych rostlinow (Typhaceae)^[3].

W někotrych žórłach so swójbje jěželnjowych rostlinow (Sparganiaceae) přirjaduje.

Wopis

Jednora jěželnja je trajne zelo, kotrež docpěwa wysokosć wot 20 hač 60 cm. Rostlina je zrunana, rědko wodźaca.

Stołpik je njerozhałuzowany.

Łopjena

Łopjena su zrunane abo klunkotate, we wodźe wodźace, na spódku třihranity a docpěwaja šěrokosć wot 5 hač 12 mm (3-10 mm).

Kćenja

Kćěje wot junija hač julija. Kwětnistwo njeje ženje rozhałuzowane. Hłójčki su kulowate. Žónske su morgenšternojte a steja po jednu we łopjenowych rozporach. Najprjedy žónske hłójčki kćěja. Po jich zwjadnjenju so muske hłójčki wuwija.

Stejnišćo

Rosće w słabje běžacych, rědko stejacych, wutkatych hač w prawim měrje womazanych wodźiznach z hłubokosćemi hač 1 m.

Synonymy

• Sparganium emersum ssp. fluitans (Grenier & Godron) Oberdorfer, nom. inval.
• Sp. longissimum (E.M.Fries) K.Fritsch
• Sp. simplex W.Hudson, nom. illeg.
• Sp. simplex var. longissimum E.M.Fries
• Sp. acaule (Beeby ex Macoun) Rydb.
• Sp. chlorocarpum Rydb.
• Sp. chlorocarpum Rydb. var. acaule (Beeby ex Macoun) Fern.

• ilustracija

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 180.
2. ↑ W internetowym słowniku: Igelkolben
3. ↑ Angiosperm Phylogeny Group: An update of the Angiosperm Phylogeny Group classification for the orders and families of flowering plants: APG III In: Botanical Journal of the Linnean Society, 161:2, 2009, S. 105-121

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 340 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 362 (němsce)

Eksterne Wotkazy

Hlej wotpowědne dataje we Wikimedia Commons:
Jednora jěželnja

• ahaco.de (němsce)