Šwižna rězna (Carex acuta; syn. C. gracilis) je rostlina z podroda wšelakokłóskatych rěznow ze swójby cachorowowych rostlinow (Cyperaceae).
Wopis
Šwižna rězna docpěje wysokosć wot 40 hač do 150 cm. Stwjelco je wótro třihranite a hrube.
Na spódku stejace póšwy su błyšćace brune. Łopjena docpěja šěrokosć wot 5 hač do 10 mm a dołhosć wot hač do 150 cm.
Kćěje wot meje hač do junija. 3-6 žónskich kłosow docpěje dołhosć wot 2 hač do 10 cm. Wótre hadźicy su njejasne pyskate a docpěja dołhosć wot 3 mm. Delnje nošne łopješko daloko kwětnistwo přesahuje.
Stejnišćo
Rosće na brjohach, na mokrych łukach, w přiliwowych wužłobinach.
Rozšěrjenje
Wužiwanje
Podobna družina
-
Bahnowa rězna (Carex acutiformis) docpěje wysokosć wot 30 hač do 120 cm. Šěrozelene łopjena docpěja šěrokosć wot 5 hač do 10 cm. Delnje póšwy su sylnje syćonićkojte. Kłosy docpěja dołhosć wot 2 hač do 8 cm. Žónske hadźicy su pyskate a docpěja dołhosć wot 4 hač do 5 mm. Rosće na mokrych łukach, na brjohach a w łuhojtych hrjebjach.
Nóžki
-
↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 421.
-
↑ W internetowym słowniku: Segge
Žórła
- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 414, z wědomostnym mjenom Carex gracilis (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
Eksterne wotkazy