Alpine Oatgrass

Kagrand (latin.: Helictotrichon) om Tähkheiniden sugukundan äivoččiden heinäsižiden kazmusiden heim. Kogoneb 61 erikospäi.

Leviganduz

Heimon ezitajad kazdas Evrazijan znamasižes palas päiči tropikoiš, Afrikan pohjoižes i suves korktoiden mägiden pautkil.

Ümbrikirjutand

Kagrandad kazdas metrhasai kortte. Om manalaižid ujelijoid vezoid erasti, sätas tihedad turbišt.

Seikhed oma püštoiktad. Lehtesed oma oiktad kaidad, pandud vai käroutud südäimehe pidust' paksus, 12 millimetrhasai levette.

Kävutand

Kaik kagrandad oma omaluižen sötmižkazmused, no hondladuižed lehtesiden kärnakusen tagut. Korktoiden mägiden erikod oma parembad sötkeks.

Valitud erikod

• Helictotrichon desertorum — Letetazangišton kagrand
• Helictotrichon filifolium — Nit'lehtesine kagrand
• Helictotrichon krylovii — Krilovan kagrand
• Helictotrichon mongolicum — Mongoline kagrand
• Helictotrichon pratense — Nitkagrand
• Helictotrichon sempervirens — Igähižvihand kagrand, heimon tipine erik
• Helictotrichon tibeticum — Tibetine kagrand
• Helictotrichon turcomanicum — Turkmenine kargrand

Kacu mugažo

• Kagr

Homaičendad