De Rootkoppgoos (Chloephaga rubidiceps) is en Vagel ut de Familie vun de Aantenvagels. Dor warrt se to de Halfgöse rekent.
De Deerter weert um un bi 45 bit 50 cm groot. De Vagel hett en bruunroden Kopp un en bruungraue Bost. Up de Flanken finnt sik regelmatige Dwarsstriepen.
De Vagels swemmt man bloß hen un wenn mol. Eenmol in’t Johr leggt se 4 bit 11 Eier in ehr Nest in’t hoge Gras. Buten de Brödeltied kaamt düsse Halfgöse faken in grote Kolonien tohopen, tosamen mit de Graukoppgoos (Chloephaga poliocephala).
De Rootkoppgoos leevt in’n Süden vun Süüdamerika. Se brott dor up de Graslänner vun Füerland, Chile un de Falklandeilannen. De meisten Vagels overwintert in’n Süden vun Argentinien, en Reeg vun jem treckt ok in’n Norden vun dat Land. De Rootkoppgöse vun de Falklandinseln treckt in’n Winter nich weg.
De Populatschoon vun düsse Halfgöse up de Falklandinseln blifft tämlich hooch, ofschoonst se in Konkurrenz staht to Schape un annere Grasfreters. Up den süüdamerikaanschen Fasten Wall weert se dorgegen jummers minner. Unner annern kummt dat vun den Patagoonschen Voss (Lycalopex griseus), de düsse Vagels jagen deit. Düsse Voss is in Füerland in de 1950er Johre inföhrt un utsett wurrn. He scholl de Kaninken, de dor ok inföhrt wurrn weern, unner Kuntroll holen. Liekers is de Status alltohopen bither, datt een sik keen Sorgen maken mutt.
. Mehr Biller, Videos oder Audiodateien to’t Thema gifft dat bi Wikimedia Commons. De Rootkoppgoos (Chloephaga rubidiceps) is en Vagel ut de Familie vun de Aantenvagels. Dor warrt se to de Halfgöse rekent.
_RWD.jpg)
