Agaricus excellens é un raro fungo do xénero Agaricus. É unha especie nativa de Europa.[3]
Píleo: é de cor amarela esbrancuxado. Ten de 10 a 15 cm de diámetro, é convexo e un pouco aplanado, con coloración lixeiramente amarelada no centro, sobre todo ao envellecer, está densamente cuberto de pequenas escamas fibrosas da mesma cor.[4][5]
Estipe: o talo é de 100-140 x 20-35 mm, de cor branca; o anel é groso e branco. A parte inferior é escamosa ou fibrilar.[4]
As Láminas son de cor rosa clara.[4][5]
Esporas e características microscópicas: ten esporas de cor negra violácea, de forma elíptica, que miden de 9-12 x 5-7μ.[5][6]
Carne e cheiro: a carne do sombreiro (píleo) é de cor branca-avermellada. Ten un sabor doce, e cheira un pouco a anís e améndoas.[5][6]
Normalmente atópase nos bosques de coníferas e caducifolios, crece durante o outono e no verán entre a herba de bosques abertos, especialmente de abetos. Atópase tipicamente en altitudes de entre 0 a 914 metros.[3]
