Perruche à Collier

গলমণিকা (ইংৰাজী: Rose-ringed Parakeet, বৈজ্ঞানিক নাম-Psittacula krameri) এটা জাকৰুৱা এফ্ৰো-এছিয়ান (Afro-Asian) ভাটৌৰ প্ৰজাতি৷ ই সমগ্ৰ ভাৰতত বহুলভাৱে বিস্তৃত৷ যিহেতু ইয়াৰ জনসংখ্যা দিনক দিনে বৃদ্ধি পাই আহিছে, সেয়ে আই.ইউ. চি. এন এ ইয়াক 'Least Concern' প্ৰজাতিসমূহৰ অন্তৰ্ভুক্ত কৰিছে৷ ^[1]

গলমণিকা ঘৰচীয়া চৰাই হিচাপেও বিখ্যাত৷^[2] ই জনবসতিপূৰ্ণ অঞ্চলত বসবাস কৰিবলৈ বিশেষভাৱে অভিযোজিত বাবে বনাঞ্চল ধ্বংস বা নগৰীকৰণে ইয়াৰ ওপৰত বিশেষ প্ৰভাৱ পেলাব পৰা নাই৷

বিৱৰণ

গলমণিকাৰ দেহৰ গড় দৈৰ্ঘ্য প্ৰায় ৪০ ছে: মি: হয়৷ কেৱল ডেউকাৰ দৈৰ্ঘ্য ১৫-১৭.৫ ছে: মি: হয়৷ ইয়াৰ দেহ মূলতঃ সেউজীয়া বৰণৰ আৰু নেজ যথেষ্ট দীঘল৷ গলমণিকাৰ মতা আৰু মাইকী দেখিবলৈ কিছু ভিন্ন হয়৷ মতা চৰাইৰ ডিঙিত গুলপীয়া ৰঙৰ মণিৰ দৰে এডাল আঁচ থাকে বাবে ইয়াক গলমণিকা নামেৰে অভিহিত কৰা হয়৷

The beak-lock, a common act among parakeet pairs.

টেক্স'নমি

গলমণিকাৰ মুঠ চাৰিটা উপপ্ৰজাতি দেখা যায়-

• আফ্ৰিকান উপ-প্ৰজাতি:

African-ringnecked (aka ARN) Parakeet (P. krameri krameri): পশ্চিম আফ্ৰিকা, পূব আৰু পশ্চিম উগাণ্ডা আৰু দক্ষিণ চুডানত পোৱা যায়৷

Abyssinian-ringnecked (aka Aby-RN) Parakeet (P. krameri parvirostris): উত্তৰ-পশ্চিম ছোমালিয়া, চুডান ৷

• এছিয়ান উপ-প্ৰজাতি:

Indian-ringnecked (aka IRN) Parakeet (P. krameri manillensis): ভাৰত উপমহাদেশ, অষ্ট্ৰেলিয়া, গ্ৰেট ব্ৰিটেইন, আমেৰিকা ইত্যাদিত বহুলভাৱে বিস্তৃত ৷

Boreal or Neumann's ringnecked (aka BRN) Parakeet (P. krameri borealis) : বাংলাদেশ, পাকিস্তান, উত্তৰ ভাৰত, নেপাল আৰু ম্যানমাৰত দেখা যায়৷

খাদ্য

গছৰ খোৰোঙত গলমণিকাৰ পোৱালি

বনৰীয়া গলমণিকাই প্ৰধানতঃ ফল-মূল, শাক-পাচলি, গুটি আদি খাই জীয়াই থাকে৷ ইহঁতে বৃহৎ জাক পাতি খেতি-পথাৰ আদিত খাই বিস্তৰ ক্ষতি কৰে৷ ^[3] অন্য দক্ষিণ এছিয়াৰ চৰাইৰ প্ৰজাতিৰ পৰা ব্যতিক্ৰম হিচাপে ইহঁতে শীতকালতো প্ৰজনন কৰে৷ ^[4]

এভিকালচাৰ (Aviculture)

গলমণিকা পোহনীয়া চৰাই হিচাপে যথেষ্ট জনপ্ৰিয়৷ ঐতিহাসিক কালৰে পৰা ইয়াক মানুহে পোহাৰ তথ্য পোৱা যায়৷ পূ্ৰ্বতে গ্ৰীচত ভাৰতীয় উপ-প্ৰজাতি P. krameri manillensis আৰু ৰোমত আফ্ৰিকান উপ-প্ৰজাতি es P. krameri krameriক পোহনীয়া হিচাপে ৰখাৰ তথ্য আছে৷ বৰ্তমান বিভিন্ন ধৰণৰ ৰঙত ভাৰতীয় গলমণিকা বজাৰত পোৱা যায়৷ ^[5]

অনুকৰণধৰ্মিতা (Mimicry)

গলমণিকাৰ মতা আৰু মাইকী দুয়োটা চৰাইৰে মানুহৰ মাত নকল কৰিব পৰাৰ ক্ষমতা আছে৷ প্ৰথমে ই চাৰিওফালৰ শব্দবোৰ শুনে আৰু তাৰ পিছত একেধৰণে নকল কৰে৷ কিছুমান মানুহে কেৱল এইবাবেই গলমণিকাৰ পোৱালী নিজে ডাঙৰ কৰে৷^{[উদ্ধৃতিৰ প্ৰয়োজন]}

আলোকচিত্ৰৰ ভঁৰাল

• গলমণিকাৰ বিভিন্ন ৰঙৰ ভিন্নতা
• নীলা গলমণিকা

• ব্যতিক্ৰমী ৰং -মাইকী -Parblue Grey আৰু মতা- Parblue Pallid .

• মাইকী-Lutino আৰু মাইকী-Cinnamon Parblue

• আলবিন' মতা গলমণিকা

• Pallid mutations

• Indo-Pak Parrot

• অন্য ৰঙৰ গলমণিকা

তথ্য সংগ্ৰহ