Hemaris fuciformis (Linnaeus 1758)

La esfinxe^[1] babarón d'orla ancha (Hemaris fuciformis) ye una especie de lepidópteru ditrisio de la familia Sphingidae que s'atopa n'Europa, Norte d'África y l'oeste d'Asia. ^[2][3][4] (Linnaeus, 1758).

Descripción

Anque bien paecida a la esfinxe babarón d'orla estrecha (Hemaris tityus), ye daqué mayor, con un valumbu alar de 20 a 24 mm. Les nales posteriores son relativamente más pequeñes. Ye d'abdome gruesu y de color pardu amarellentáu y les sos nales anteriores son tresparentes y curties, dándo-y un aspeutu paecíu al babarón, d'ende'l so nome común.

Distribución

En toa Europa, especialmente na central. Na península ibérica, otra manera, son escasos los biotipos qu'ocupa. Nes árees montascoses algama los 2.000 msnm. Ocupa terrenes secos y soleyeros: escamplaes de montes de coníferes, solanes, riegues y veres de los ríos, raramente en xardinos; n'años calorosos vuela en gran númberu, rarificándose los años más frescos.

Canesba de la esfinxe babarón

Hemaris fuciformis

Fase larvaria y dómina de vuelu

La primer xeneración de gates densedólcase a empiezos de branu y la segunda a empiezos de seronda, aliméntase de madreselves (Lonicera xylosteum y Symphoricarpus racemosus). Les caparines vuelen dende finales de la primavera hasta mediaos de branu. Na península ibérica vuela una segunda xeneración.

Referencies

Enllaces esternos

• Wikimedia Commons tien conteníu multimedia tocante a Hemaris fuciformis.