Ciconia nigra (Linnaeus 1758)

Бузёк чорный

Росшырїня бузька чорного
помаранчово: лїтнє росшырїня
синё: зимовища
зелено: резідентна популація

Бузёк чорный або тыж чорный боцан (Ciconia nigra) є представителём родины бузьковых (Ciconiidae). Є то великый, переважно чорный птах, бронзово блищачій з червеным довгым дзёбаком і білым бріхом. Міджі самцём і саміцёв не є скоро жаден роздїл, молодята суть тмаво буры зо сивозеленым дзёбаком. Дожывать ся віку през 15 років.

Тот мильхавый, рідкішый жытель горьскых лїсів і лужных лїсів жыє єднотливо і барз скрыто. Гнїздо з клёцьків і конарїв бывать сховане в лїсах в корунах старых стромів або на скалах. Росшыреный є на векшынї середнёй і выходной Европы і в мірнїшых кліматічных пасмах Азії аж по Далекый выход. Европскы і западоазійскы популації міґрують на зиму до середнёй і западной Африкы, іншы до Індії і Кітаї.

Жывить ся переважно рыбами і далшыма дрібныма жывотинами, котры ловить головно в меншых водных токах. Зношать звычайно 3-5 яєць, з котрых ся по місяцю лягнуть молодята з біло-пороховым пірём.

Попис

Бузёк чорный є о дашто меншый як звычайнїшый бузёк: довжка ёго тїла досягує 90–105 цм і роспятя крыл 173–205 цм. Важыть 2,4 аж 3,2 кґ.

Далшы фотоґрафії

• Бузёк на гнїздї

• Казахстаньска знамка з бузьком

• Бузёк чорный на зимовищу в Індії

• Голова бузька

•